YEHEZKIEL 1:1 - Sura' Madatu

¹ Iatonna taun ma’pentallungpulo, bulan ma’penna’pa’, allo ma’pellima bulan iato, tongku torro sola mintu’ to dipali’, dio randan salu Kebar, ta’kala anna tibungka’mo tu langi’, angku tiroi tu ba’tu pira-pira patiro mendeata, tu Napaombo’ Puang Matua.

YEHEZKIEL 1:1 Referans Kwoze

KADA OMBO’ LAKO RASULU’ YOHANES 19:11

Tiramban kutiromi tu langi’ tibungka’, napayan tu misa’ darang busa’, na iatu to ussakei disanga Maruru’ sia Tongan, anNa tang pakayun bimbang ma’paolai salu sia parari.

PENGGAURANNA RASULU’ 7:56

Nakuami: Tiromi kukita tu langi’ tibungka’ na iatu Anak rampan dilino ke’de’ dio kananNa Puang Matua.

MATIUS 3:16

Tonna mangka tu Yesu didio’, ta’pa kendekmi diong mai to’ uai; pakalan ia tibungka’mi tu langi’, Nakitai tu PenaanNa Puang Matua susi bu’ku’ songlo’ sae lako Kalena.

YEHEZKIEL 11:24

Naangka’mo’ Penaa, anNa solanna’ lako tondok to Kasdim, lako to dipali’, lan patiro mendeata tete dio PenaanNa Puang Matua. Iatu patiro mendeata, mangka Kutiro, kendekmo natampena’.

PENGGAURANNA RASULU’ 10:11

Nakitami tu langi’ tibungka’, namengkalao dao mai tu apa misa’, susito sampin kalua’, diulangi a’pa’ tu tetukna natirorro’ sae rokko padang.

LUKAS 3:21

Den pissan tonna popedio’ nasang kalena tu tau, Yesu didio’ duka, marassanmo massambayang, natibungka’ tu langi’.

YEHEZKIEL 10:20

Iamote tu a’gan kutiro diongna lu Kapenombanna Israel dio salu Kebar; totemo mane kutandairi, kumua karubion pale’ ia.

YEHEZKIEL 10:15

Kendekmi tu karubion iato mai, iatu iannato susi bang a’gan mangka kutiro dio salu Kebar.

KADA OMBO’ LAKO RASULU’ YOHANES 4:1

Undinnato kutiromi tu misa’ ba’ba tibungka’ dao suruga, na iatu gamara bunga’-bunga’na susito oni tarompe’ pua ma’kada lako kaleku, Nakua: Kendekko mai, angKu pakitangko tu apa tae’ nasalai tang la dadi undinna.

YOHANES 1:51

Sia Nakua lako: Tonganna tongan Kukua mati’; la mikita tu langi’ tibungka’, sia mintu’na malaeka’Na Puang Matua sisula’ sirrin songlo’ lako Anak rampan dilino.

YEHEZKIEL 43:3

Iatu patiro mendeata kutiro susi bangsiato mangkanna kutiro, tonNa sae la ussanggangi tu tondok iato, sia susito mai patiro mendeata mangka kutiro dio randan salu Kebar. Lumbangmo’ rokko padang.

YEHEZKIEL 8:3

Napendondongammi tu misa’ apa tu susi lima rupanna, anNa dammakki sangdi’pu’ tu beluakku. Attu iato Naangka’na’ Penaa langngan lan kasiallaranna lino na langi’, anNa baana’ lako Yerusalem lan patiro mendeata, tu Napaombo’ Puang Matua, lako lalan tama babangan rampe lanna lu, tu mentingo rekke, tu nanii te’dek rapang-rapang dipodeata, iamotu pareanan kamangimburuan, tu umpabu’tu kamangimburuan.

YEHEZKIEL 3:23

Ke’de’mo’ angku male lako lombok iato; kutiro tulangdanmo dio tu kamala’biranNa PUANG susi bang tu kamala’biran mangka kutiro dio randan salu Kebar; lumbangmo’ rokko padang.

YEHEZKIEL 1:3

rampomi tu kadanNa PUANG lako tominaa Yehezkiel, anakna Busi, lan tondok to Kasdim, dio randan salu Kebar; inde to dio nanii limanNa PUANG urrondongi.

YESAYA 1:1

Iamote tu patiro mendeatanna Yesaya anakna Amos, tu natiro diona Yehuda sola Yerusalem tonna linona Uzia, Yotam, Ahas sia Hizkia, datunna to Yehuda.

KADIBILANGAN 12:6

Ma’kadami tu Puang Nakua: Perangimi tu kadangKu. Iake denkomi misa’ nabi, ma’din Kupasombo tu Kaleku lan patiro mendeata, ba’tu ma’kada lako kalena lan tindo.

2 KORINTUS 12:1

Sipatuna’ la massattuan, moi anna tae’ bua’na tu iannato. Apa la umpa’peissananna’ patiro mendeata sia kada pa’paombo’ dio mai Puang.

MARKUS 1:10

Iatonna kendekmo diong mai to’ uai, ta’pa Natiromi tu langi’ tibangnga nasonglo’ tu PenaanNa Puang Matua lako Kalena susi bu’ku’.

YOËL 2:28

Undinna dio mai to la dadi kumua la untuaranNa’ PenaangKu lako mintu’ ma’rupa tau, anna ma’nubua’ tu anakmi muane sia anakmi baine; sia iatu mai to matua-tuammi la ungkita tindo ma’rupa-rupa tindo sia iatu mai to mangurammi la ungkita ma’rupa-rupa patiro mendeata.

HOSEA 12:10

Apa Akumo tu PUANG, Kapenombammu, tempon dio mai tondok Mesir. La Kupatorro pole’ko lan tenda, susi tonna allo kasirampunan.

YEHEZKIEL 40:2

Lan patiro mendeata, tu Napaombo’ Puang Matua, Nasolammo’ lako tondok Israel, anNa patorrona’ dao buntu tarru’ malangka’, tu nanii bendan misa’ apa susi kota, rampe lo’na lu.

YEHEZKIEL 3:15

Urrampoimo’ to dipali’ dio Tel-Abib, tu torro dio randan salu Kebar, sia umba-umba nanii torro, torrona’ dio lu pitung allo, pussak bang.

KADIBILANGAN 4:3

randuk dio mai tallungpulo taunna sia la’bi sae lako limangpulo taunna, iamotu pantan sipatu mengkarang la ungkarang pentoean lan Tenda Kasitammuan.

KATASSURAN 24:10

Natiromi tau iato mai tu Kapenombanna to Israel, na diong to’ lette’Na den susi sali batu parimata lasuri’, na iatu parrangna butung to langi’ maserrong.

KADADIAN 46:2

Iatonna bongi ma’kadami tu Puang Matua lako Israel lan patiro mendeata Nakua: E Yakub, Yakub. Ma’kadami Yakub nakua: Inde siana’, Puang!

PENGGAURANNA RASULU’ 10:3

Umbai agi-agi te’te’ tallu makaroen napemanassami nakita bayo-bayo tu malaeka’Na Puang Matua misa’ sae umpelambi’i sia ma’kada lako nakua: E Kornelius!

MATIUS 17:9

Iatonna solo’mo dao mai buntu iato, ma’pakainga’mi tu Yesu lako tinde tau sia Nakua: Da mipokada lenni te mikitanna lako misa’ duka tau, ke tae’pi Namalimbangun tu Anak rampan dilino diong mai to’ to mate.

YEHEZKIEL 10:22

Na iatu pantarisan lindona, susi bang to lindo mangka kutiro dio salu Kebar; iatu rupanna ia bangsiamo rupanna. Iatu apa iato pantan male ma’palulako bang tingayona.

KADADIAN 15:1

Ta’kala tonna mangka tu mintu’nato, saemi kadanNa PUANG lako Abram lan patiro mendeata Nakua: Da mumataku’, e Abram, belanna Akumo tu balulang toto’mu sia rongko’ kapuamu.

LUKAS 3:23

Iatu Yesu tonna randukmo ma’pangada’, agi-agi tallungpulomo taunNa; nasangami tau, iamo anakna Yusuf, anakna Eli,

YESAYA 6:1

Iatonna taun namatean datu Uzia, payanmi lako kaleku tu Puang unnisung dao isungan kapayungan masuanggana sia mala’bi’, na iatu Banua Kabusungan nasitutu’i rombe-rombe bayunNa.

PA’PUDIAN 137:1

Dio randan salu Babel, kinii sio’koran, angki tumangi’, tongki kilalai Sion.

YEREMIA 29:15

Iake ma’kadakomi mikua: Napabendanammokanni PUANG ba’tu pira-pira nabi lan Babel.

YEHEZKIEL 10:1

Ta’kala kutiromi, tonganna dao batara daona lu ulu karubion, den misa’ apa susi parimata lasuri’, susi rupa isungan kapayungan, tu paan daona lu.

YEHEZKIEL 10:10

Iatu tiroanna: sangrupari sola a’pa’i, takua to den misa’ lentenan lan tangnga lentenan.