YAKOBUS 4:5 - Sura' Madatu

⁵ Ba’tu misangaraka tae’ patunna tu dipokada lan Sura’ kamua: iatu penaa Napalan kaleta Nakamali’ Puang Matua, Naurunganni mangimburu?

YAKOBUS 4:5 Referans Kwoze

2 KORINTUS 6:16

Sia apara nasikandei banuanNa Puang Matua tu deata? Belanna kitamote tu banuanNa Puang Matua matontongan, susitu kadanNa Puang Matua, Nakua: La torroNa’ sia la sumalongNa’ dio lu naninna tau iato, sia la mendadiNa’ Puangna tau iato, anna tau iato la mendadi taungKu.

1 KORINTUS 6:19

Ba’tu tae’raka mitandai kumua iatu kalemi, iamo banuanNa Penaa Masallo’ untorroikomi, tu mangka miappa’ dio mai Puang Matua, sia tangia apammi kalena tu kalemi?

KADIBILANGAN 11:29

Apa ma’kada tu Musa lako nakua: Mubirisan maro’ra umpoissan apangku? Dennoupa’ na iatu mintu’ taunNa PUANG mendadi nabi, belanna PUANG ungkamasei Penaanna ta’pa dao lu tau iato!

TITUS 3:3

Belanna kita duka bagaki’ pirambongi’ sia pabali-bali sia pusa sia unturu’ ma’rupa-rupa kamailuan sia pa’poraian lino, tuo lan kakadakean sia kamagallian sia tumbuan biri’ sia sikabiri’.

PA’PUDIAN 37:1

Pa’pudianna Daud. Da mukaredei tu to umpogau’ kakadakean, sia da mukemburui tu to umpogau’ kelok.

KADADIAN 8:21

Kendekmi busarungngu’na langan PUANG, anNa ma’kada lan penaanNa, kumua: Tae’mo angKu la untampakki ropu tu lino diona tolino, belanna tempon dio mai bitti’na kelok tu karangan inaanna, sia tae’mo angKu sabu’i pole’i tu angge menono’, susitu mangkanna Kupogau’.

KADADIAN 37:11

Nakemburumi siulu’na, apa iatu ambe’na napalan penaa bang tu iannato.

KADADIAN 30:1

Iatonna tiromi Rahel kumua tae’ anna padadianni tau tu Yakub, mangimburumi lako kakanna, anna ma’kada lako Yakub, nakua: Benna’ aku anak; iake tae’i, matena’ aku te!

KADADIAN 26:14

Den bembe’ sola domba tu daka’na, sapi sia kaunan buda, naurunganni nakemburu to Filistin.

KADADIAN 6:5

Natiro PUANG tu kakadakeanna tolino lendu’ tongan kapuana, sia tontong bang kelok tu karangan inaanna;

GALATIA 3:8

Belanna nakita dolomo Sura’ Madatu, kumua tete dio kapatonganan anNa bilang maloloi Puang Matua tu to kapere’, anNa pa’peissanan dolomi tu Kareba-kaparannuan lako Abraham Nakua: Bannang dio kalemu la nanii ungkabu’tui kamauparan tu mintu’ to kapere’.

PENGGAURANNA RASULU’ 7:9

Apa mangimburu tu nene’ to dolota lako Yusuf anna balukanni lako Mesir, anNa rondongi Puang Matua,

YOHANES 10:35

Iake disa’bu’ deatai tu mai to mangka dinii umparampo kadanNa Puang Matua sia tae’ nama’din dipaleluk tu lanna Sura’ Madatu,

TOMANGADA’ 4:4

Kutiro duka, kumua iatu mintu’ sara’ sia mintu’ kamalintaran mengkarang, umpabu’tu kamangimburuanna misa’ tau lako solana; ia duka tu apa iato tae’ gai’na sia susito unnula’ angin.

SARAMBU PEADA’ 21:10

Iatu penaanna to tang mekaaluk ungkabarii bang kadakena, sia tae’ natandai ungkamasei padanna rupa tau.

PA’PUDIAN 106:16

Mabiri’mi tu tau iato mai lako Musa dio to’ tenda, sia lako Harun to masero dio oloNa PUANG.

ROMA 1:29

ponno anggenna kakelokan, kakadakean, kabasisi-inaan, kabulitukan, nakabu’ kamagallian, kapapatean, kasigagan, lando pa’du, patua’ ba’tang;

ROMA 9:17

Belanna nakua lan Sura’ Madatu lako Firaun: Iamoto angKu pabendanko, dikua nadio kalemu Kunii umpa’pekitanan kuasangKu sia dikua anna dipakalelean tu sangangKu lan mintu’ lino.

YESAYA 11:13

Attu iato la pa’de kamagallianna Efraim sia iatu to ussussai Yehuda la diroto’i; tae’mo anna la ungkagalli Efraim tu Yehuda sia tae’mo anna la ussussai Yehuda tu Efraim.

YOHANES 19:37

Sia den duka kada lan Sura’ Madatu: La natiro tau iato tu Tau mangka natobok.

YOHANES 7:42

Tang dipokadaraka lan Sura’ Madatu kumua lan mai tarukna Daud sia lan mai Betlehem, tondokna Daud, la Nanii bu’tu tu Mesias?

KADIBILANGAN 23:19

Iatu Puang Matua tangia tolino, anNa ma’kada tang tongan; ba’tu misa’ ma’rupa tau, anNa menassan. Ma’kadaraka anna tang umpogau’i, ba’tu mangallu’, anNa tang umpadadii?

KADADIAN 38:9

Tu naissan Onan kumua tae’ na ia la umpobati’i, iamoto nabolloan salai rokko padang tu uai mentaunna tonna sangampa’ bainena kakanna, kumua da napadenanni bati’ tu kakanna.