YAKOBUS 4:3 - Sura' Madatu

³ sia massambayangkomi, apa tae’ miappa’i, belanna sala passambayangmi, tu belanna la misa’sakan unturu’ kamoraiammi.

YAKOBUS 4:3 Referans Kwoze

1 YOHANES 5:14

Indemo tu kabattaranna penaanta lako Puang, ke umpalakuki’ apa situru’ pa’poraianNa, Natarima tu pa’palakunta.

1 YOHANES 3:22

sia apa tapalaku, la taappa’ dio mai Kalena, belanna takaritutui tu mintu’ parentaNa sia tapogau’ tu apa Naporai.

YAKOBUS 4:1

Bu’tu umbara nii sae tu kasigagan, sia bu’tu umbara nii sae tu kasiboboran lan kombongammi? Tang bu’tu lu dioraka mai mintu’ kamoraiammi tu male mangea unnoong mintu’ lesoan kalemi?

MIKHA 3:4

Attu iato la metamba-tamba tu tau iato mai lako PUANG, apa tae’ Nabalii, sangadinna la Nabunian lindoNa, belanna ma’gau’ kadakemo tu tau iato mai.

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

SARAMBU PEADA’ 21:13

Minda-minda ussissinganni talinga tu pengkamoyana to bongko, manassa iake ia metamba tae’ tau umpebalii.

AYUB 35:12

Pakalan nametamba-tamba tu tau, apa tae’ Namebali tu Puang, natumang kamatampoanna to kadake.

ZAKHARIA 7:13

Susitu katangma’perangianna tau iato mai, tonna tambai Puang, la susi dukato tu tau iato mai metamba, apa tae’ Kutananni talinga, kadanNa PUANGna mintu’ ma’dandan maritik.

LUKAS 15:13

Nataammi tu iananna lako. Tae’ napirang allo to, naparandan nasangmi, namale lako misa’ tondok mambela, natabu-tabu bangi tu iananna dio lu, belanna solle’-solle’ bangmo.

MARKUS 10:38

Apa Nakua Yesu lako: Tae’ mitandai tu apa mipalaku. Ma’dinrokomika la unniru’i tu Kuiru’na lan mai irusan? Ba’tu ma’dinraka didiorangkomi tu pa’dioran la didioranNa?

MATIUS 20:22

Mebalimi Yesu sia Nakua: Tae’ mitandai tu apa mipalaku. Ma’dinraka la miiru’ tu la Kuiru’na lan mai irusan? Nakuami lako: Ma’din.

YEREMIA 11:14

Iato iko, da mupassambayanganni te bangsa iate sia da mupangandoanni ba’tu umpengkamoyanni, belanna tae’ Kuperangii, ke metambai lako Kaleku diona kamaparrisanna.

SARAMBU PEADA’ 21:27

Iatu pemala’na to tang mekaaluk iamo misa’ kamagallian, ondong pole’ ke napemalaranni situang tangnga’ kadake.

SARAMBU PEADA’ 1:28

attu iato la metamba-tamba tu tau iato mai lako kaleku, apa tae’ kula mebali, la na daka’na’, apa tae’ naappa’na’.

YEREMIA 14:12

Moi anna ma’puasa tu tau iato mai, tae’ duka Kuperangii tu petambana, sia moi anna pemalaran pemala’ ditunu pu’pu’ sia kande dipemalaran, tae’ duka nakalo’i penaangKu, sangadinna la Kumangsanni pa’dang sia karorian sia ra’ba biang.

PA’PUDIAN 18:41

Mipopemboko’mo mallai tu mintu’ ualingku, sia kumangsannimo tu mintu’ to ungkabiri’na’.

YEREMIA 11:11

Iamoto, nakua kadanNa PUANG: Manassa la Kuparampoi kasanggangan tu tau iato mai, natae’ nama’din tu tau iato mai lessu’ dio mai; iake meongli’i tu tau iato mai lako Kaleku, tae’ angKu la umperangii.

LUKAS 15:30

Namane sae ia te anak mangkammi umbala’-bala’ iananmi sola baine bualang, ammi tunuammi anak tedong maloppok!

1 DATU 3:11

Sia Nakua Puang Matua lako kalena: belanna ia mupalakuiNa’ te ianna te, sia tae’ mupalakuan kalemu kamalamberan sunga’ sia kasugiran, sia tae’ mupalakui, anna mate tu mai ualimmu, apa ia manna mupalakuan kalemu tu kamatarrusan la untimbang melo kara-kara;

LUKAS 11:10

Belanna minda-minda tu malaku, la ditadoi, sia iatu mandaka’na, la naappa’, sia iatu untumbekna ba’ba, la dibungkaran.