YAKOBUS 4:11 - Sura' Madatu

¹¹ E sangsiulurangku, da misipalele beko sangsiulurammi. Iatu to umpokada boko’ ba’tu umpasala siulu’na, iamo umpalele beko sia umpasala sukaran aluk. Apa iake mupasalai tu Sukaran aluk, tangiako to unturu’ Sukaran aluk, sangadinna to mangra’ta’na.

YAKOBUS 4:11 Referans Kwoze

1 PETRUS 2:1

Iamoto rampananmi tu mintu’ kalando-pa’duan sia mintu’ sanda pakena sia kabelo-pudukan sia kamagallian sia mintu’ pa’palele beko;

ROMA 2:1

Iamoto tae’ mubelai undakaran posanga kalemu, e iko, minda-mindako tu umpasala tau; belanna lan tu kaumpasalammu to senga’, iko kalenamo umpakannai ukungan kalemu; belanna iko ma’pasala na iko duka umpogau’i.

YAKOBUS 5:9

E sangsiulurangku, da misisarroan, da naruakomi pangra’ta’ kadiukungan. Kilalai kumua bendanmo dio to’ ba’ba tu To mangra’ta’.

LUKAS 6:37

Da mipasala tau, manassa tae’ mila dipasala, da mima’paro’pokki pangra’ta’, manassa tae’ mila diparo’pokki pangra’ta’. Rampananni, manassa la dirampanangkomi.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

PA’PUDIAN 140:11

Nake nasamboi ruaya tu tau iato mai; sia nake Napembuanganni Puang tama to’ api sia rokko posi’na tana, da nabangun sule.

EFESUS 4:31

Toyanganni dio mai kalemi tu mintu’ kamapallan, sia kamasakiarasan sia kasengkean sia salle kada sia kapa’palelebekoan sisola mintu’ kakadakean.

2 KORINTUS 12:20

Belanna mataku’na’ saena’ manii mati’ angku kabu’tuikomi, tae’ nasusi tu kuporainna, susi duka aku, ke mikabu’tuina’, tae’ nasusi tu miporainna; mataku’na’ den manii kasigagan, kamagallian, kare’dekan ara’, kasisala-salan, pa’palele beko, ma’parampo sala, kapabe’sean, kamarukkan.

2 TIMOTIUS 3:3

tang unnampui pa’kaboro’, tae’ namorai massikaelo, umpangrosoan tau, tang untaloi kalena, arasan, ungkagi’gi melona,

1 TIMOTIUS 3:11

Susi dukato tu mai baine (na) la massipa’, da nama’palele beko, sangadinna la umpama’tan penaanna sia dikatappa’i lan mintu’na.

ROMA 7:7

Apara la tapokada totemo? Dosaraka tu Sukaran aluk? Inang tae’ ia to. Sangadinnari tae’ kutandai tu kasalan, kenna tang Sukaran aluk, belanna tae’ kutandai tu kamailuan, kenna tae’ Sukaran aluk kumua: Da mumailu.

ROMA 2:13

Belanna tangia to urrangi bangri Sukaran aluk tu la malolo dio oloNa Puang Matua, sangadinna iaritu to umpogau’ sukaran aluk tu la dibilang malolo.

YAKOBUS 1:25

Apa iatu to unnannung atoran Sukaran aluk sundun, tu umpopentorro to makakaki’, tae’ namendadi to ma’perangi tang mengkilala, sangadinna to menturu’ tongan, maupa’ ia tau iato lan kamenturusanna.

TITUS 2:3

Susi dukato tu mintu’ to matua baine, sipatu la ma’gau susito sikambi’ maserona, da nama’palele beko, da napa’anggoro’, sangadinna la umpa’guruan kameloan,

YAKOBUS 1:16

Da ammi pusa, e sangsiuluran pa’kaboro’ku.

YAKOBUS 1:19

Kanassai te iannate, e sangsiuluran pa’kaboro’ku. Melo ke mintu’ tau matira’ ma’perangi, napela’i ma’kada-kada sia sengke.

YAKOBUS 2:8

Apa iake mituru’i tu parenta ma’iringanna, susitu lan Sura’ Madatu nakua: La mukamasei tu padammu tolino susi batang kalemu, melo dukamo tu penggaurammi.

YAKOBUS 5:7

Iamoto, e sangiulurangku, ma’tan penaakomi sae lako allo kasaeanNa Puang. Tiromi, tu to ma’pa’lak untayan bua malapu’ diong mai padang; napama’tanan penaa sae lako nata’painna uran masonak sia uran ma’pangalla’.

YAKOBUS 5:10

E sangsiulurangku, alami sangka’ tu kauntanggunganna kamasussan sia kama’tanan penaanna mintu’ nabi tu mangka ma’kada tete dio sanganNa Puang.