YAKOBUS 3:9 - Sura' Madatu

⁹ Iamotu lila taoong umpudi Puang, Ambe’ta, sia lila dukamo taoong untampakki ropu tolino tu dikombong susi rupanNa Puang Matua.

YAKOBUS 3:9 Referans Kwoze

PA’PUDIAN 10:7

Iatu sadangna ponno tampak ropu sia lando pa’du sia pa’pakario-rio, sia dio tampak lilana den kakelokan sia kakadakean.

PA’PUDIAN 62:4

Sangapaparokomi la umbala’-bala’ tau? Ammi dipasiapanan nasang sangtinti rinding la songka, sia tembo’ la rondon.

PA’PUDIAN 59:12

Da Mipatei tu tau iato mai, da natang ungkilalai bangsaku; sangadinna pasalamba-salaoi tu tau iato mai tete dio kuasamMi, sia tibei lao, o Puang, balulang toto’ki.

KADADIAN 9:6

Minda-minda umpatibollo rara tolino, la napatibollo duka tolino tu rarana, belanna mangkamo Nakombong Puang Matua tu tolino Napasusi rupanNa.

PENGGAURANNA RASULU’ 2:26

Iamoto anna sende penaangku, sia kumalasi-lasi tu pudukku, ontongpi kaleku la mamma’ sola rannunna;

2 SAMUEL 19:21

Attu iato ma’kadami tu Abisai, anakna Zeruya, nakua: Ma’apari natang la dipateira tu Simei, belanna untampakki ropu to Natokko PUANG!

KADADIAN 5:1

Iamora te tu ossoranna Adam. IatonNa padadii Puang Matua tu tolino, Napasusi a’ganNa.

1 KORINTUS 11:7

Belanna iatu muane tae’ nasipato’ ma’lullung, apa rapang-rapangna sia kamala’biranNa Puang Matua; apa iatu baine kamala’biranna muane.

ROMA 3:14

dio pudukna ponno tampak ropu sia kada layuk.

MATIUS 26:74

Randukmi umpatamai karangan makula’ kalena sia menggata nakua: Tae’ aku kutandai tu tau ia tu. Ta’pa unnonimi manuk tonna iato.

MATIUS 5:44

Apa Aku Kukua mati’: Ala masei tu ualimmi, sia passambayanganni tu to umpakario-riokomi,

YESAYA 29:13

Sia susipate tu kadanNa Puang, nakua: Iate bangsa iate dio bangri pudukna umpengkareke’iNa’ sia dio bangri lilana umpakala’bi’Na’, apa iatu penaanna mambela dio mai Kaleku; iatu a’ganna ungkasiri’Na’, pepasan tolino bangri.

TOMANGADA’ 7:22

Belanna pembudamo tuo lan penaammu, kumua unggatai dukako to senga’.

PA’PUDIAN 108:1

Misa’ nanian. Pa’pudianna Daud.

PA’PUDIAN 71:24

Sia la ussa’bu’ kamaloloamMi, tu dara’ lengko lilaku kiallo-kiallo, belanna mintu’ tu to undakaranna’ kadake kasirisan nasangmo sia malotong lindona.

PA’PUDIAN 63:4

Belanna iatu kamasokanamMi mandu maelo ia anna katuoan; la napudiKomi tongka’ dililaku.

PA’PUDIAN 57:8

Rapa’ tu penaangku, o Puang Matua, inang rapa’ tu penaangku; la menanina’ sia umpakendek pa’pudian.

PA’PUDIAN 51:14

Pasulei lako kaleku tu kaparannuan kasalamaran lu dio mai Kalemi, sia penaa mengkaolakumora la ussande’na’.

PA’PUDIAN 35:28

La nasa’bu’ tongka’ dililaku tu kamaloloamMi, sia kadipudiamMi kiallo-kiallo.

PA’PUDIAN 34:1

Pa’pudianna Daud tonna unna’ga to bomboan kalena dio olona Abimelekh, tu unnula’i anna mallai.

PA’PUDIAN 30:12

Tangi’ tang marangaku Mipopembalimo kadande’rekan, Mileakammo tu poteku, amMi patambeke’ina’ kaparannuan.

PA’PUDIAN 16:9

Iamoto anna parannu penaangku sia sende paiman deatangku, sia iatu batang kaleku la torro marampa’!

1 OSSORANNA DATU 29:20

Mangkato nakuami Daud lako mintu’ kombongan: Pudimi tu PUANG, Kapenombammi. Napudimi mintu’ kombongan tu PUANG, Kapenombanna nene’ to dolona, anna malinguntu’ sia tukku menomba dio oloNa PUANG sia dio olona datu.

1 OSSORANNA DATU 29:10

Attu iato napudi-pudimi Daud tu PUANG dio tingayona kombongan, sia nakua Daud: Mintu’ kadipudian lu lako Kalemi, o PUANG, Kapenombanna Israel, nene’ to doloki, tempon dio mai landa’ lako attu situran.

2 SAMUEL 16:5

Iatonna rampomo tu datu Daud lako Bahurim, tassu’mi inde to dio mai tu misa’ bati’na pa’rapuanna Saul, disanga Simei anakna Gera, sae untampakki ropu datu.

TO PARENGNGE’ 9:27

Malemi tu tau iato mai lako pa’lak, unnala bua anggoro’na, naparrai sia ma’marua’-rua’; namale tama banua kabusunganna deatanna, kumande sia mangiru’ sia unggatai Abimelekh.

EFESUS 1:3

Mintu’na kadipudian lu langngan Puang Matua, tu Ambe’Na Puangta Yesu Kristus, tu mangka umpasiriaki’ mintu’ kamauparan mempenaa dao suruga lan Kristus.

PA’PUDIAN 145:21

La nasa’bu’ tongka’ dililaku tu mai kada umpudi PUANG, sia sangapaoi anna mintu’ kepenaanna umpudi tu sanga maseroNa landa’ sae lakona.

PA’PUDIAN 145:1

Nanian pa’pudi-pudianna Daud. La kupakarayaKomi, o Kapenombangku, o Datungku, sia la kupudi tu sangamMi tontong sae lakona.

1 PETRUS 1:3

Mintu’na kadipudian lu langngan nasang Puang Matua Ambe’Na Puangta Yesu Kristus, tu tete dio kakapuanna mamaseNa anna dadian poleki’, taurunganni unnappa’ kapa’rannuanan tuo belanna kamalimbangunanNa Yesu Kristus dio mai to’ to mate,

YAKOBUS 1:27

Iatu kapengkaolan masero sia tae’ sayuanna dio oloNa Puang Matua, Ambe’, iamote: unto’longi pia biung pu’pu’ sia baine balu lan kamasussanna, sia ungkaritutui kale dio mai kamaruttakanna te lino iate.

YAKOBUS 3:10

Na misa’ dukari puduk nanii tassu’ pa’tendeng sia pa’tampak ropu. E sangsiulurangku, tae’ napato’ tu iannate.