YAKOBUS 1:9 - Sura' Madatu

⁹ Apa sipatu tu siulu’ tu lan a’gan kamadiongan la massattuan diona kadipamadaoanna;

YAKOBUS 1:9 Referans Kwoze

SARAMBU PEADA’ 19:1

Iatu to kalala’ unnola kamaloloan mandu melo na iatu to ma’kada leko’ sia natompoi kabagan.

2 KORINTUS 6:10

butung to masussa, apa tontong parannu; susito kalala’, apa umpasugi’ buda tau; susito tang unnampui misa’ apa, apa unnampui mintu’na.

KADA OMBO’ LAKO RASULU’ YOHANES 2:9

Kuissan tu kadipakario-rioammu sia kabongkoammu – apa sugi’ko – sia Kuissan tu petelle dio mai to ussanga kalena to Yahudi, apa tangngia, sangadinna misa’ banua pa’kombonganna deata bulituk.

LUKAS 1:52

iatu to kapua Napasule rokko tu pangka’na na iatu to barinni’ Napamadoan,

SARAMBU PEADA’ 17:5

Minda-minda untelle to bongko, umpamatuna Totumampana; sia minda-minda umpoparannu kamandasanna to senga’ tae’ natilendok dio mai ukungan.

PA’PUDIAN 62:9

E solaku, tontongkomi urrannuanNi, sia bungka’i tu penaammi dio oloNa; iatu Puang Matua Iamo pentirerunganta. Sela

PA’TOLE 15:11

Belanna iatu to kalala’ tae’ na la pa’de len lan tondok; iamoto kupepasananni lako kalemu susite, kukua: Bungkaranni pala’mu tu siulu’mu, tu to makario-rio sia to kalala’ lan tondokmu.

PA’TOLE 15:9

Kanandai tu kalemu, da nabu’tu tu tangnga’ magi’gi’mu lan penaammu, kumua mandappi’mo tu taun ma’pempitu, iamotu taun kadiseroian, – mupobannang tang mamase lako siulu’ kalala’mu, sia tae’ mubenni apa-apa, anna urunganni umposarroko lako PUANG, ammu pokasalanni.

PA’TOLE 15:7

Iake den to kalala’ dio lu kamu, iamotu mai siulu’mu lan misa’ pa’tondokammu, iamotu lan tondok, tu la Nasorong PUANG, Kapenombammu, lako kalemu, da mupamakarra’ penaammu, ba’tu ungka’panan lima siulu’ kalala’mu,

FILIPI 3:14

angku ma’dondo-dondo lako tu tanda umpempatui tu bua kamara’tasan tu napaombo’ petambaNa Puang Matua dao mai, tete dio Kristus Yesu.

FILIPI 3:3

Belanna kitari te tu umpogau’ sunna’ tongan, kitari tu menomba unturu’ PenaanNa Puang Matua, sia massattuan tu belanna Kristus Yesu, sia tang urrannuan a’gan tolino;

ROMA 8:17

Iake anakki’, ma’mana’ dukaki’, iamotu mana’ dio mai Puang Matua sia pada ma’mana’ki’ Kristus, ke umperasaiki’ kamaparrisan sola, anta pada dipakala’bi’duka.

LUKAS 10:20

Apa da naparannu penaammi, belanna mengkanorong lako kalemi tu deata masussuk, sangadinna iari la napoparannu penaammi, tu disura’ lan suruga tu sangammi.

LUKAS 9:48

Namane kumua lako tau iato mai: Minda-minda untammui tu pia’-pia’ susite diona sangangKu, ia dukamo untammuiNa’ sia minda-minda tu untammuiNa’, ia dukamo untammui tu To ussuaNa’ belanna iatu bitti’na lan te kamu sola nasang, iamo kapuana.

1 SAMUEL 2:8

Iatu mai to bongko Naendekan diong mai to’ barra’-barra’, sia iatu mai to mase-mase Naangka’ diong mai to’ pullan, kumua anNa pasangisunganni mintu’ arung, sia Napatongkon dao o’koran mala’bi’. Belanna mintu’ tu parandangan lino PUANG umpoissanni; sia Ia umbangunni dao te lino.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

YESAYA 29:19

Attu iato to umpamadiong penaanna la saumpoparannu-rannunna PUANG sia iatu to tarru’ bongko la kumalassi-lasi tu diona To maserona to Israel.

LUKAS 14:11

Belanna minda-minda umpamadoan kalena, iamo la dipamadiongan, na minda-minda umpamadiongan kalena, iamo la dipamadoan.