YAKOBUS 1:6 - Sura' Madatu

⁶ Apa sipatu la napalaku situru’ kapatonganan sia tae’ nala bata, belanna iatu to bata butung bombang, nairi’ angin tikalulun-lulun lu lako lu dio mai.

YAKOBUS 1:6 Referans Kwoze

IBRANI 11:6

Iake tang ma’patonganni inang tae’ naalai penaanNa Puang Matua; belanna iatu to umpengkareke’i Puang Matua sipatu la nakatappa’i kumua den tu Puang Matua, sia kumua Ia umparongko’ mintu’ to undaka’ tonganNi.

EFESUS 4:14

kumua damo anta mapia-pia tikalulun-lulun susi bombang sia nairi’ lu lako lu dio mai ma’rupa-rupa angin pangadaran, diona pakenanna tau sia pakira-kiranna, tu mebanna lako tangnga’ mepapusa,

IBRANI 10:23

Melo ke manda’ki’ umpentoei pangakuan umpabu’tu kapa’rannuanan naturu’ katangbata-batan, belanna iatu Tomangallu’ maruru’.

IBRANI 13:9

Da napapusakomi ma’rupa-rupa pangadaran makalaen-laen, belanna iatu tonganna, melo ke napabatta’i pa’kamaseanNa Puang Matua tu penaanta, tangia ma’rupa-rupa kande, tu tae’ gai’na lako to umpogau’mi tu iannato.

1 TIMOTIUS 2:8

Iamoto, iatu diongna penaangku, umba-umba inan nanii tu mai muane massambayang, umpatado pala’ mabusanna ma’uai ma’tan.

2 PETRUS 2:17

Tau iate mai susi kalimbuang marangke sia salebu’ nairi’ talimpuru’, tiparandanmo tu kapi’tukan lako kalena.

KADADIAN 49:4

Ta’dulu’ bang susi uai mandirri’ tae’mo na iko tu la tompo’, belanna mulosa’ tu randan dali’na mendadiammu, sia muruttakkimo, mukendekki tu dali’ patindoangku.

MATIUS 14:28

Mebalimi Petrus nakua lako: O Puang, iake Kamu tonganmo, suana’ angku male mati’ untete uai tasik.

PENGGAURANNA RASULU’ 10:20

Ke’de’moko mumengkalao, mumale sola tu tau, da’ mubata, belanna Aku ussuai tu tau.

YAKOBUS 1:7

Belanna iatu tau susito da nasangai, kumua la den apa naappa’ dio mai Puang;

YAKOBUS 5:15

Anna passambayang narondong kapatonganan umpamakarimmanni tu to masaki, anna Puang la umpamalekei, sia iake mangkai umpogau’ kasalan, la dipa’dei tu kasalanna.