YAKOBUS 1:12 - Sura' Madatu

¹² Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

YAKOBUS 1:12 Referans Kwoze

1 PETRUS 5:10

Puang Matua oto’na mintu’ pa’kamasean tu mangka untambaikomi tete dio Kristus mentama kamala’biran matontonganNa, ke mangkamokomi umperasai kamaparrisan lan attu sangattu’, Ia duka la umpasundunkomi sia umpabantangkomi sia umpamatoto’komi sia umparandangannikomi.

KADA OMBO’ LAKO RASULU’ YOHANES 2:10

Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.

YAKOBUS 5:11

Kilalai kumua iatu to bantang, tabilang maupa’; mangkamo mirangi tu kabantanganna Ayub, sia mangkamo mitiro tu katampakanna penggauranNa Puang, kumua sumpu mamase sia liu kaboro’.

ROMA 8:28

Apa taissan kumua mintu’na apa situru’ umpasaeanni kameloan tu to ungkamali’ Puang Matua, iamotu to ditambai situru’ tanan penaanNa Puang Matua.

MATIUS 10:22

La nakabiri’komi mintu’ tau tu belanna sangangKu, apa minda-minda tu mengkabatta’ sae lako ma’katampakanna, iamo la dikarimmanni.

1 KORINTUS 9:25

Iatu to la tama pa’telanganna, mintu’na nanii pantan ungkaraa kalena kumua da nalangga’; tau iato la unnappa’ misa’ makota, apa makota la malayu, na kita te la unnappa’ki’ makota tang la malayu.

1 PETRUS 3:14

Apa iake naruakomi kamaparrisan tu belanna kamaloloan, rongko’komi; sia da mikataku’i tu pa’pakarrangna to mai tau sia da ammi potirambanni.

2 TIMOTIUS 4:8

Na undinna sakka’mo makota kamalamburan, tu la Napa’kamasean Puang lako kaleku ke Allo iato, tu Tomangra’ta’ malambu’, sia tangia lako manna kaleku, sangadinna lako duka mintu’ to ungkamali’mi tu kasaeanNa.

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?

1 PETRUS 5:4

Sia iake bu’tumi undinna tu Pangulu to mangkambi’ iato, la miappa’ tu makota kamala’biran tang la malayu len.

1 KORINTUS 2:9

Sangadinna susitu disura’, nakua: Iatu apa tang nakitapa mata, sia tang narangipa talinga, sia tang saena lan penaanna tolino, iamoto tu Naparandananni Puang Matua tu to ungkamali’I.

PA’TOLE 8:2

Pengkilalai tu mintu’ lalan, tu Nanii PUANG, Kapenombammu, ussolangko lan te patangpulo taunna lan padang pangallaran, kumua anNa pamadiongangko sia Nasandakko, anNa tandai tu apa lan penaammu, ba’tu la mukaritutui tu pepasanNa, ba’tu tae’i.

SARAMBU PEADA’ 17:3

Iatu pa’paredean dinii umpatama salaka sia po’poran dinii umpatama bulaan, apa PUANG ussudii tu mintu’ penaa.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

1 PETRUS 4:13

sangadinna la parannukomi sitinaya kataanammi lan kamaparrisanNa Kristus; dikua ke attunnami sombo tu kamala’biranNa la parannukomi sia sende paiman.

1 KORINTUS 8:3

Apa iake denni tau ungkamali’ Puang Matua, iamo Natandai Puang Matua.

KADA OMBO’ LAKO RASULU’ YOHANES 3:19

Samami to Kupakaboro’, Kutarru’i sia Kuada’; iamoto pengkullei sia mengkatoba’ko.

PA’TOLE 13:3

da muperangii tu kadanna nabi ba’tu to mangimpi iato, belanna iatu PUANG, Kapenombammi, untobakomi la untandai, kumua ba’tu la ponnoi penaammi sia kalebu deatammi ungkamali’i tu PUANG, Kapenombammi.

IBRANI 10:32

Apa kilalai tonna dolona, tonna dipemasiangimo tu penaammi, mipengkullei tonganni umpatanan penaammi lan parri’ paria;

PA’PUDIAN 119:71

Melo duka sia angku mangkamo narua parri’, kumua angku ma’din umpelada’i tu mintu’ apa Mipondok.

PA’TOLE 7:9

ammu issanni, kumua iatu PUANG, Kapenombammi, Kapenomban misari, iamotu Kapenomban maruru’, tu untoe manda’i tu basse sia umpalanda’ kamasokananNa lako mintu’ to ungkamali’I sia ungkaritutui pepasanNa sae lako massa’bu-sa’bu osso’na.

IBRANI 6:15

Nasusito tonna mangka umpeagi ma’tan penaai, naappa’mi tu pangallu’ iato.

MATIUS 25:34

Namane ma’kada tu Datu lako tu to dio rampe kananNa kumua: Maimokomi, e kamu tu Naparongko’na Ambe’Ku, ammi pomana’i tu mana’, iamotu kadatuan diparandanangkomi tempon dio mai dikombongna tu lino.

PA’PUDIAN 119:67

Iatonna tang urrampoipa’ parri’, pusana’, apa totemo umpengkaolaimo’ kadamMi.

NEHEMIA 1:5

kukua: O PUANG, Puang Matua dao suruga, o Puang Matua pasareongan sia dikabangnga’, tu ungkanana’i basse sia kamasokanan lako tu mintu’ tau ungkamali’Komi sia ungkaritutui pepasanMi.

IBRANI 11:17

Bannang dio dukamora kapatonganan anna pemalaranni Abraham tu Ishak, tonna disudi, sia tae’ anna tipodo’ tinde to mangka untarima mintu’ pangallu’ umpemalaran anak tungga’na,

PA’PUDIAN 119:75

Kuissan, o PUANG, kumua mintu’ pangra’ta’Mi malolo nasang. Sia tete dio kamarurusamMi ammi pa’dikkimo’.

1 YOHANES 4:19

Ma’pakaboro’ki’, belanna Napakaboro’ki’ Puang dolo.

YESAYA 64:4

Tempon dio mai tae’ anna rangi lenni tau ba’tu tama talinga sia tae’ natiroi mata tu misa’ Kapenomban senga’ anna Kamu, tu sae umpalalao pa’tunduan lako to untayanNi.

PA’PUDIAN 5:11

Pasalai tu tau iato, o Puang Matua! Nake tobangi natumang pakira-kiranna, suale pala’i belanna buda salana, belanna nabali-baliKomi.

KATASSURAN 20:6

apa umpa’pekitananNa’ kamasokanangKu lako massa’bu’-sa’bu tu to ungkamali’Na’ sia ungkaritutui mintu’ pepasanKu.

IBRANI 12:5

Sia tang mikilalaimo diona tu pa’pakilala umpakilalakomi susito umpakilala pia, nakua: E anakku, da mupamaringnganni tu peada’Na Puang, sia da muranggang penaa, ke narampoiko pa’di’;

AYUB 5:17

Manassa maupa’ tu to Napa’dikki Puang Matua, iamoto da musayu peada’na To umpoissan angge maritik.

PA’PUDIAN 94:12

Maupa’ tu to Miada’, o PUANG, sia to Mipatudu lan mai sukaran alukMi.

KADADIAN 22:1

Pakalan denmi pissan, iamo tonna mangka tu mintu’nato, Natobami Puang Matua tu Abraham, Nakua lako: E Abraham! Ma’kadami: Inde siana’, Puang!

AYUB 2:10

Apa mebali lako bainena nakua: Susiko misa’ to maro-maro ma’kada; ia mannaraka tu melona la tatarima dio mai Puang Matua, anna kadakena tae? Lan te mintu’nate tae’ tu kada sala sun dio pudukna Ayub.

PA’PUDIAN 11:5

Nasudi PUANG tu to malambu’ sia to tang mekaaluk, apa iatu penaanNa ungkabiri’ to patoro’ buku.

LUKAS 6:22

Maupa’komi, ke nakabiri’komi tau, sia ke nasarakkikomi sia nasayukomi sia nakanoka tu sangammi butung napopepayu belanna Anak rampan dilino.

ROMA 5:4

na penaa kalebu umpabu’tu kabattaran penaa, na kabattaran penaa umpabu’tu kapa’rannuanan;

2 TIMOTIUS 2:15

Pengkulle-kullei umpopennolo kalemu lako Puang Matua susito tongan, butung to tae’ namasiri’, belanna umpalolang malolo kada diona kamanapparan.

1 PETRUS 4:14

Iake ditellekomi belanna sanganNa Kristus, maupa’komi, apa Natorroikomi tu Penaa kamala’biran, iamotu PenaanNa Puang Matua untorroikomi.