YAKOBUS 1:1 - Sura' Madatu

¹ Salama’ dio mai aku, Yakobus, taunNa Puang Matua sia taunNa Puang Yesu Kristus, diparampo lako sangpulo dua sukunna bangsa to naala bilanganna to tisambo’.

YAKOBUS 1:1 Referans Kwoze

YEHEZKIEL 12:15

Anna tandai tau iato mai, kumua Akumo tu PUANG, ke Kupatitale’mi dio lu mintu’ bangsa sia Kuambo’ lan lu mintu’ tondok.

1 PETRUS 1:1

Iate sura’ lu dio mai Petrus, rasulu’Na Yesu Kristus, diparampo lako mintu’ to ditonno’, iamoto naala bilanganna to tisambo’ mekaletteran utan dio lu Pontus sia Galatia sia Kapadokia sia Asia sia Bitinia,

YOHANES 7:35

Iamoto anna sipa’kada-kada kalena tu pada to Yahudi nakua: Umbara la Naola te Tau iate anta tang la ullambi’i? La laoraka lako to sisarak-sarak bangmo dio lu sola to Yunani sia unnada’i to Yunani?

PENGGAURANNA RASULU’ 8:1

Naporaimi Saulus tu diona Stefanus mate dipongko. Tonna attu iato narampoimi kadipakario-rioan kapua tu kombongan to Sarani dio Yerusalem, natisambo’-sambo’ dio lu mintu’ tana Yudea sia Samaria, ia mannamo tu mai rasulu’.

PENGGAURANNA RASULU’ 26:7

ia dukamira tu pangallu’ iato narannuan tu sangpulo dua sukunna bangsata kumua anna dete’i, natontong keallo kebongi umpenombai Puang Matua. Iamora tu urrannuanni to, puang, nanii to Yahudi umparapa’na’.

PENGGAURANNA RASULU’ 15:23

Umpakatumi sura’ napakaloli’i tu tau iato, nakua lan tu sura’: Umparampokan salama’ki te mai kami siulu’mi rasulu’ sia penatua mati’ kamu sangsiuluran tu bu’tu dio mai to kapere’ iti’ Antiokhia sia Siria na Kilikia.

TITUS 1:1

Iate sura’ lu dio mai Paulus, taunNa Puang Matua sia rasulu’Na Yesu Kristus belanna kapatongananna mintu’ to Natonno’ Puang Matua, sia belanna kapaissanan diona kamanapparan, tu situru’ kamengkaolan lako Puang Matua,

GALATIA 2:9

iatonna kanassami tinde tau tu pa’kamasean disorong lako kaleku, sitoe limamo’ sola Barnabas tu mai sia Yakobus na Kefas na Yohanes, tu dibilang paloloan kombongan, tanda kasisanginaan, kumua angki lu lako to kapere’, anna lu lako ia to disunna’.

PENGGAURANNA RASULU’ 15:13

Iatonna upu’ sola duai ma’kada-kada, mebalimi Yakobus, nakua: E, kamu siulu’ki, perangiina’!

PA’TOLE 28:64

PUANG la umpatisambo’-sambo’ko dio lu mintu’ to sangpetayanan, randuk dio mai randan langi’ sae lako randan langi’; inde to dio la munii umpenombai, kapenomban senga’, tu tae’ mutandai la iko la iatu mai nene’ to dolomu, iamotu kayu sia batu.

ROMA 1:1

Dio mai Paulus taunNa Kristus Yesu, tu ditambai mendadi rasulu’ sia dipamarimbangan la umpa’peisanan Kareba-kaparannuanNa Puang Matua.

PENGGAURANNA RASULU’ 21:18

Tonna masiangto, laomokanni sola Paulus lako Yakobus, nasangdioan ren tu mintu’ penatua.

YOHANES 12:26

Iake den tau mengkaola lako Kaleku, la undi urrundu’Na’, sia iatu inan Kunii, inde dukamoto la nanii tu taungKu. Iake den tau mengkaola lako Kaleku, iamo Napamala’bi’ Ambe’.

MATIUS 19:28

Nakuami Yesu lako tinde tau: Tonganna tongan Kukua lako kalemi, iake dipaba’rui lino, to ke unno’ko’mi tu Anak rampan dilino dao isungan kapayungan mala’bi’Na, kamu duka te undinnamo urrundu’Na’, la unno’ko’ duka dao sangpulo dua isungan kapayungan sia urrengnge’ sangpulo dua sukunna to Israel.

YUDAS 1:1

Sura’ iate lu dio mai Yudas, taunNa Yesu Kristus sia siulu’na Yakobus, diparampo lako mintu’ to ditambai tu naluang pa’kaboro’Na Puang Matua Ambe’ sia kadikarimmanan dio mai Yesu Kristus.

2 PETRUS 1:1

Iate sura’ lu dio mai Simon Petrus, taunNa sia rasulu’Na Kristus, diparampo lako mintu’ to unnappa’mo kapatonganan, tu pada mala’bi’na kapatonganangki tete dio kamaloloanNa Kapenombanta sia Yesu Kristus, To pakarimmanan:

FILIPI 1:1

Iate sura’ lu dio mai Paulus na Timotius, taunNa Kristus Yesu diparampo lako mintu’ to masallo’ lan Kristus Yesu dio Filipi sia mintu’ to ma’panundu’ sia pa’kamaya.

GALATIA 2:12

Belanna iatonna tang saepa tu ba’tu pira-pira to malang dio Yakobus, kumandemo ma’talimbungan sola to kapere’; apa iatonna saemo, soro’mi, nauntoyangan kalena, belanna mataku’ lako to disunna’.

GALATIA 1:19

Apa iatu mai rasulu’ senga’ moi misa’ tae’ kusitiroan, ia manna tu Yakobus, siulu’Na Puang.

PENGGAURANNA RASULU’ 15:21

Belanna iatu Musa tempon dio mai dolo-dolana naden tau umpa’pangadaranni lan ke sang tondokoi, belanna dibasan tau tu sukaran alukna lan lu banua pa’kombongan ke allo katorroanomi.

PENGGAURANNA RASULU’ 1:13

Iatonna tamamo tondok, kendekmi langngan inan mengkadaoan tu naninna Petrus sia Yohanes sia Yakobus sia Andreas sia Filipus sia Tomas sia Bartolomeus sia Matius sia Yakobus, anakna Alfeus sia Simon Zelot na Yudas, anakna Yakobus.

MATIUS 13:55

Tang anak pande kayuraka te? Sia tang disangaraka Maria tu indo’Na sia iatu mai siulu’Na, Yakobus sia Yusuf sia Simon sia Yudas?

1 DATU 18:31

Naalami Elia tu batu sangpulo dua, pada tu bilangan sukunna anakna Yakub, tu mangka narampoi kadanNa PUANG, Nakua: Israel tu la sangammi.

PA’TOLE 30:3

namane iatu PUANG, Kapenombammu, la ungkamaseiko sia Puang la umpasirampunkomi dio mai mintu’ bangsa, tu Nanii PUANG, Kapenombammi, umpatisambo’komi.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.

PENGGAURANNA RASULU’ 12:17

Napopangimbami tu limanna, ussuai ma’loko-loko, anna uleleananni lako tau iato mai umba Nakua Puang ussolanni sun lan mai pa’tarungkuan, sia nakua: Pa’peissananni te iannate lako Yakobus sia lako sangsiuluranta. Sunmi namale lako tondok senga’.

EZRA 6:17

Iatonna rarai tau iato mai te banuanNa Puang Matua umpemalaran saratu’ sapi laki, duaratu’ domba laki sia a’pa’ratu’ anak domba, sia sangpulo duapa bembe’ laki la diposuru’ pengkalossoran lako mintu’ to Israel situru’ mintu’ suku to Israel.

PA’TOLE 4:27

La Napatisambo’-sambo’komi PUANG dio lu mintu’ sangpetayanan, ammi torromora tang pira dio lu bangsa, tu la Nanii umpali’komi PUANG.

KATASSURAN 39:14

Mintu’ tu parimata iato unturu’ sanganna anakna Israel, sangpulo dua bilanganna, pada bilanganna sanganna; pantan disura’ susi passura’ peca’, unturu’ sanganna simisa’-misa’i tu sangpulo dua sukunna to Israel.

KATASSURAN 24:4

Napatamami sura’ Musa tu mintu’ kadanNa PUANG, anna pelambi’i nagaragai tu misa’ inan pemalaran sia naosok tu batu sangpulo dua situru’ bilanganna sangpulo dua suku to Israel.

KADA OMBO’ LAKO RASULU’ YOHANES 7:4

Kurangimi bilanganna tu mintu’ to mangka dica’ saratu’ patangpulo nna’pa’ sa’bunna tu mangka dica’ dio mai mintu’ sukunna to Israel:

PENGGAURANNA RASULU’ 2:5

Denmi ba’tu pira-pira to Yahudi torro dio Yerusalem to ungkaritutui alukNa Puang Matua, lu dio mai mintu’ bangsa nasambo langi’.

LUKAS 22:30

anta misa’ kao’koran sola ma’talimbungan kumande sia mangiru’ lan ParentaKu sia unnisungi isungan kapayungan umparessai tu sangpulo dua sukunna to Israel.

MATIUS 10:3

Filipus sia Bartolomeus; Tomas sia Matius passima; Yakobus anakna Alfeus sia Tadeus;

ESTER 3:8

Ma’kadami Haman lako datu Ahasweros nakua: Den misa’ bangsa tu tisambo’ sia umpamarimbangan kalena dio lu mintu’ bangsa lan mintu’ propinsi lan kadatuanna puang, sia iatu atoranna bangsa iato sisengaran atoranna mintu’ bangsa, sia iatu atoranna datu tae’ naturu’i, iamoto tae’ nasipatu la naeloran datu torro manaman.

KATASSURAN 28:21

Mintu’ parimata iate la situru’ tu sanganna anakna Israel, la sangpulo dua pada bilanganna sanganna; la disura’ susi panggaraga parimata peca’; iatu apa la disura’ lan la situru’ tu sanganna sangpulo dua sukunna to Israel simisa’-misa’i.

2 TIMOTIUS 4:21

Pengkullei male mai su’ding tae’pi anna attu kamadinginan. Iatu Ebulus na Pudes na Linus na Klaudia sola mintu’ sangsiuluran umparampo salama’na mati’.

PENGGAURANNA RASULU’ 23:26

Aku te Klaudius Lisias, umparampo pessimanku iako to maraya kabarre alloan Feliks.

LUKAS 6:15

na Bartolomeus, sia Matius na Tomas, na Yakobus, anakna Alfeus, na Simon, iamo disanga Zelot

MARKUS 3:18

Sia Andreas sia Filipus sia Bartolomeus sia Matius sia Tomas sia Yakobus, anakna Alfeus sia Tadeus sia Simon to Kanani,

PA’TOLE 32:26

Moronganna angKu ma’kada Kukua: La Kusapui pala’ tu tau iato, sia Kupurai tu kapengkilalanna dio lu ma’rupa tau,