TOMANGADA’ 9:15 - Sura' Madatu

¹⁵ Lan kota iato den misa’ tobongko kinaa tu ma’din ullendokanni tu kota iato bannang dio kakinaanna, apa moi misa’ tau tae’ ungkilalai tu tobongko iato.

TOMANGADA’ 9:15 Referans Kwoze

TOMANGADA’ 4:13

Misa’ pia muane kinaa, moi anna bongko, mandu melo na iatu misa’ datu matua, apa baga, tu tang umperangii pa’pakilala.

KADADIAN 40:23

Tae’ duka nakilalai pangulu pa’kampa pangiru’ tu Yusuf, sangadinna nakalupai.

2 SAMUEL 20:22

Malemi tu baine iato, umpa’petimbangan meloi tu tanga’na tama to’ to buda; nata’takkimi tau tu ulunna Seba, anakna Bikri, napellebaranni lako Yoab. Napannonimi Yoab tu napiri tanduk, ke’de’mi tu tau iato mai sisarak-sarak untampe kota, pantan sule lako to’ inanna. Na iatu Yoab sulemo lako Yerusalem mennolo lako datu.

TOMANGADA’ 2:16

Belanna iatu kadikilalaianna to kinaa sia to baga pada tae’ bangmo, belanna lan allo la sae masaimo dikalupai tu mintu’na to; a’adikka’ umbara nakuato, anna pada mate bangsia tu to kinaa sia to baga!

SARAMBU PEADA’ 21:22

Iatu to kinaa unteka’ kota ditambakukunna to lalong sia natuan tu benteng naposanderan.

TOMANGADA’ 8:10

Susi dukato kutiromo tu mai to tang mekaaluk tamamo batu dilobang dipasola nene’ to dolona, na iatu to malolo gau’na diparuku male untampei tu inan maindan sia tae’mo nakilalai sangtondokna. Ia duka tu apa iato tae’ gai’na.

TOMANGADA’ 7:19

Iatu kakinaan umpabu’tuan kuasa to kinaa losong na iatu kuasa naampui sangpulo to paa lan misa’ kota.