TOMANGADA’ 9:13 - Sura' Madatu

¹³ Ia dukamote kutiro tu misa’ apa lan naarrang matanna allo iato tu kakinaan, tu umpatiakka’ tongan penaangku.

TOMANGADA’ 9:13 Referans Kwoze

TOMANGADA’ 8:16

Iatongku palan penaami la untandai kakinaan sia la untiroi tu mintu’ sara’, tu dadi dao kuli’na padang, anna tae’ natandai kamammaran tu tolino keallo sia kebongi –,

TOMANGADA’ 7:15

Sanda rupannamo tu apa kutiro lan mintu’ allo katuoangku tu tae’ gai’na: Den tu to malambu’ sanggang moi naden kamaloloanna sia den tu to tang mekaaluk malambe’ sunga’na moi naden kakadakeanna.

TOMANGADA’ 6:1

Den misa’ kamandasan kutiro lan naarrang matanna allo, tu mandu unni’pinni tau,

TOMANGADA’ 9:11

Kutiro pole’omi lan naarrang matanna allo, kumua iatu polean disilombai tangia tomalinta’ tongan unnalai, sia iatu kapataloan lan kasirarian tangia to matoto’ tongan unnalai, sia iatu kande tangia tokinaa unnalai, sia iatu kasugiran tangia tomanarang unnalai, sia iatu pa’kamase tangia tounnampui tangnga’ kinaa unnalai, belanna attu sia upa’ urrampoi sola nasangi.

2 SAMUEL 20:22

Malemi tu baine iato, umpa’petimbangan meloi tu tanga’na tama to’ to buda; nata’takkimi tau tu ulunna Seba, anakna Bikri, napellebaranni lako Yoab. Napannonimi Yoab tu napiri tanduk, ke’de’mi tu tau iato mai sisarak-sarak untampe kota, pantan sule lako to’ inanna. Na iatu Yoab sulemo lako Yerusalem mennolo lako datu.

TOMANGADA’ 7:19

Iatu kakinaan umpabu’tuan kuasa to kinaa losong na iatu kuasa naampui sangpulo to paa lan misa’ kota.

TOMANGADA’ 9:12

Belanna iatu tolino tae’ duka natandai tu dalle’na, susito bale tiramban diala lan dalla’ sia susito manuk-manuk ditingkan lan porro’. Susi dukamoto tu mintu’ ma’rupa tau dipoya, lan attu kamandasan, ke ta’pa narampoi te iannate.

TOMANGADA’ 9:14

Iamotu, den misa’ kota bitti’ sia sidi’ri tau lan, anna sae misa’ datu kapua ullaoi sia umpatama limbui, anna pabendan ba’tu pira-pira tambakuku malangka’ la ullaoi.

DANIEL 2:14

Mennolomi tu Daniel situang kamanaranganna sia ma’sipa’ melo lako Ariokh, pangulu to ma’kampana datu, tu tassu’mo la umpatei tu mintu’ to paissan dio Babel.