TOMANGADA’ 9:10 - Sura' Madatu

¹⁰ Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

TOMANGADA’ 9:10 Referans Kwoze

KOLOSE 3:23

Apa mipogau’, karang tongan-tonganni, susitu lu lakoNa Puang, tangia lu lako tolino,

EFESUS 5:16

da mimatei punala allo, belanna attu iate, attu kadake.

ROMA 12:11

Da milangga’ lan sara’mi; paparrukki tu penaammi, mengkaolakomi lako Puang.

PA’PUDIAN 6:5

SuleKomi, o PUANG, rampananni tu deatangku, karimmannina’ tete dio kamasokanamMi!

1 KORINTUS 9:24

Tae’raka miissan kumua mintu’na tu to ma’dondo-dondo lan kasilomban, pada ma’dondo nasang, apa misa’ bangsiari tu unnappa’ tanda kabilangan? Ma’dondo-dondomokomi susito, ammi appa’ tanda kabilangan.

TOMANGADA’ 11:6

Ambo’i tu bannemu, ke melambi’i sia da mutorroi mengkarang moi namakaroenmo, belanna tae’ mutandai umbanna tu dadi melo, iaraka te iarakato, ba’tu melo dua siaraka tuona.

YEREMIA 29:13

Sia la miappa’Na’, ke midaka’Na’, ke ponnoi penaammi malaku pa’tunduan lako Kaleku.

MATIUS 6:33

Apa daka’ tonganni dolo tu ParentaNa Puang Matua sola kamaloloanNa, na iatu mintu’nato, la dipangrangnganan duka lako kalemi.

1 KORINTUS 15:10

Apa belanna pa’kamaseanNa Puang Matua angku dadi susite totemo; sia iatu pa’kamaseanNa lako kaleku, tae’ anna tae’ bua’na, belanna ondongmo aku mara’takku na iatu mintu’i; apa tangngia aku, sangadinna pa’kamaseanNa Puang Matua tu urrondongna’.

1 KORINTUS 9:26

Iamoto angku ma’dondo-dondo te, tae’ kumua ma’dondo-dondo tang ma’rundunanna’. Susi dukato tu pebusukku, tae’ kumua kutambusukanni angin,

YOHANES 9:4

Ke masiang siapi sipatuki’ la ungkarangi tu pengkaranganNa tu To ussuaNa’. Belanna la sae tu bongi to ke tae’mi tau misa’ ma’din mengkarang.

YOHANES 4:34

Nakuami Yesu ungkuanni: Iatu kandeKu, iamotu umpogau’ pa’poraianNa To ussuaNa’, sia ussundunni pengkaranganNa.

TOMANGADA’ 11:3

Ianna maru’gun tu gaun, umbanasami tu uran kamban tama lino; sia ianna songka tu batang kayu lu sau’ ba’tu lu rekke, iatu nanii songka, inde dukato nanii sumpandan.

NEHEMIA 4:2

sia ma’kada dio olona siulu’na sia mintu’ surodadu Samaria nakua: Apa todaoia napogau’ tu to Yahudi langga’? Sipaturaka la dipopa’elo’na bang tu tau iato mai? Ma’dinraka la memala’? Ma’dinraka la namangkai allo totemo? Ma’dinraka la napatuo sule tu batu tembo’ ro’pok tu nakandemo api?

NEHEMIA 4:6

Apa kibangun sule tu rinding tembo’ iato, anna sundunmo tu mintu’ rinding tembo’ sae lako sesena, belanna napa’inaai tu to buda mengkarang.

1 OSSORANNA DATU 22:19

Totemo la mipakalebu tallang tu penaammi sia deatammi la umpengkaolai PUANG, Kapenombammi. Iamoto sangtiangkarangkomi la umbangunni tu inan maindanNa PUANG Kapenomban, anna iatu patti basseNa PUANG sia mintu’ pareanan maindanNa Puang Matua ma’din dibaa lako banua iato, tu dipabendanan sanganNa PUANG.

1 KORINTUS 16:10

Ianna sae tu Timotius, karitutui, da anna tigiang misisolan, belanna umpogau’ pentoeanNa Puang, susi bangsia te aku.

NEHEMIA 2:12

ke’de’mo’ tonna ibongi sola ba’tu pira-pira tau. Moi misa’ tau tae’ kupokadan tu apa Napabu’tu kapenombangku lan penaangku tu la kupogau’ diona Yerusalem. Sia moi misa’ olo’-olo’ tae’ kubaa sangadinna ia manna tu kusakeinna.

1 OSSORANNA DATU 28:20

Ma’kadami Daud lako Salomo, anakna, nakua: La matoto’ko sia batta’ko sia pogau’i to; da mumataku’ sia da mutiramban, belanna PUANG Kapenomban, iamotu KapenombangKu, la urrondongko. Tae’ Nala toyang dio mai kalemu sia tae’ Nala umpopa’elo’nako sae lako mangkanna tu mintu’ pengkarangan diona kamenomban lan banuanNa PUANG.

KADIBILANGAN 13:30

Attu iato napabatta’mi Kaleb tu bangsa iato dio olona Musa sia ma’kada nakua: Melo ke ke’de’ki’ lako, da tamataku’ sia la taala tapomana’i, belanna manassa la tatalo.

KADADIAN 37:35

Saemi tu mintu’ anakna muane sia anakna baine la umpakatanai, apa noka dipakatana nama’kada nakua: Belanna diona te anakku, angku la ma’pote dibolong sae lako maleku lako lino to mate! Susimoto tu Yusuf natangi’i ambe’na.

1 SAMUEL 10:7

Iake sae nasangmi te tanda iate lako kalemu, pogau’mi tu ma’dinna mupogau’, belanna Puang Matua urrondongko.

AYUB 21:13

Sipeupu’ allo katuoanna tu kamauparanna, sia marampa’ mengkalao rokko lino tomate.

YESAYA 38:10

Kukua: Mane tauna’ angku la lumingkamo lako babangan lino tomate, iatu apa torro dio mai mintu’ katuoangku la sisayuranna’.

AYUB 10:21

ke tae’pi angku male sia tang sule lako tondok kamalillinan sia kapittukan,

AYUB 10:22

lako tondok lillinan parrak, tu nanii, kapittukan sia nanii atoran tang ma’rundunan, sia nanii arrang susito kamalillinan.

SARAMBU PEADA’ 3:28

Da muma’kada lako padammu tolino, kumua: Malemoko musae pole’mora masiangpa kubenko – anna denmo dio kalemu.

MATIUS 20:7

Nakuami tinde tau lako: Belanna tae’ bang tau ussarokan. Nakuami lako: Male dukakomi inde tu tama pa’lak anggoro’.

YOHANES 5:4

Belanna den sipissan-pissan namengkalao malaeka’ rokko limbong iato nase’go’i tu uainna; minda-minda tu bunga’na mengkalao rokko tu limbong, ke mangkai tise’go’ tu uai, maleke moi nasaki apa unnalai.