TOMANGADA’ 8:8 - Sura' Madatu

⁸ Moi misa’ tau tae’ duka ungkuasai angin la umpatadangi; sia moi misa’ tau tae’ duka ungkuasai lampakna sia tae’ duka kadirampanan lan kasirarian; susi dukato iatu katangmekaalukan tae’ nala urrampananni tu to umpogau’i.

TOMANGADA’ 8:8 Referans Kwoze

PA’PUDIAN 89:48

Kilalai kumua tumba madenge’na tu sunga’ku, tumba torro salana tu kaungkombongamMi rupa tau?

AYUB 14:5

Iake dipamanassami tu allona, sia iatu bilanganna bulanna dipatantumo dio oloMi sia Milampakmo tu anggenna, tu tae’ nama’din nalendu’i,

IBRANI 9:27

Susitu tolino manassamo den pissan nala mate, namangkato namane dipaolai salunna,

YESAYA 28:15

Belanna ma’kada nakua: Sibassemokan kamatean sia unnarra’ kada sola lino tomate, moi anna buda tongan tu peada’ masarrang urrampoi tu mai mintu’ tau, tae’ sia anna la ullambi’kanni, belanna iamotu kamorangan kipopentirerungan sia iamotu kakalando-pa’duan kipembunii.

TOMANGADA’ 3:21

Mindara untiroi tu penaanna ma’rupa tau kendek langngan anna iatu penaanna olo’-olo’ ma’palurokko mangapi’na tana?

SARAMBU PEADA’ 14:32

Iatu to tang mekaaluk disongkan lan kamandasanna, apa iatu to malambu’ moi nala ka’tu sunga’na den duka pentilindunganna.

PA’PUDIAN 9:17

Umpasombomo Kalena tu PUANG, sia umpabantang katonganan, iatu to tang mekaaluk naala poya panggaraganna kalena. Higgayon. Sela

2 KORINTUS 13:4

Belanna inang dia’ta’ diona kalanggaran, apa tuo sule diona kamatotoranNa Puang Matua. Kami te kipolangga’ duka tu kalanggaranNa, apa la tuokanni sola diona kamatotoranNa Puang Matua, tu dipamanassa lako kalemi.

1 KORINTUS 15:43

diambo’ sangindo’ a’gan kamadiongan, dipamalimbangun sangambe’ a’gan kamala’biran; diambo’ sangindo’ a’gan kalanggaran, dipamalimbangun sangambe’ a’gan kamatotoran.

YESAYA 28:18

Na iate bassemi sola kamatean la diputtai sia iatu lampa kadammi sola lino tomate tae’ anna la manda’; ia anna olaikomi peada’ masarrang, la nalullu’mokomi.

AYUB 34:14

IakenNa palan penaai Puang tu tolino, sia Naala Puang sule tu sumanga’na sia penaanna,

2 SAMUEL 14:14

Inang la mate nasangki’ susito uai tibollo rokko padang, tu tae’ nadirampun. Apa tae’ Naalai Puang Matua tu katuoan, sangadinna Natangnga’, kumua anna iatu to ditibe, da natontong mambela dio mai Kalena.

2 DATU 7:15

Narundu’mi sae lako Yordan, belanna mintu’ tu lalan nanii ponno pakean sia parea pa’buno, tu napentibean bangmo to Aram tonna tiramban anna mallai sule. Sulemi tu to disua umparampoi tu apa iato lako datu.

TOMANGADA’ 8:13

Apa iatu to tang mekaaluk tae’ nasalama’, sia tae’ namalambe’ sunga’na, sangadinna susi bangri to bayo-bayo, belanna tae’ namataku’ dio oloNa Puang Matua.

SARAMBU PEADA’ 12:3

Tae’ tu bantang, ke tang mekaalukki, apa iatu uaka’na to malambu’ tang tibendon.

TOMANGADA’ 9:12

Belanna iatu tolino tae’ duka natandai tu dalle’na, susito bale tiramban diala lan dalla’ sia susito manuk-manuk ditingkan lan porro’. Susi dukamoto tu mintu’ ma’rupa tau dipoya, lan attu kamandasan, ke ta’pa narampoi te iannate.

YESAYA 47:10

Apa urrannuangko kakadakeammu, mukua: Tae’ misa’ tau untirona’. Kamatarrusammu sia kapaissanammu umpapusako, muurunganni ma’kada lan penaammu susite, kumua: Aku mannari, tae’ to senga’ umpadanna’.