TOMANGADA’ 8:5 - Sura' Madatu

⁵ Minda-minda unturu’ pepasan, iamo tae’ narampoi kadake, sia iatu penaanna to kinaa unnissan attu sia a’gan.

TOMANGADA’ 8:5 Referans Kwoze

IBRANI 5:14

Apa iatu kande makarra’, iamo taana to matakko, tu to biasa umpatumbang tangnga’na anna belai umpasisengaran melo na kadake.

PENGGAURANNA RASULU’ 4:19

Apa mebali Petrus na Yohanes sia nakua ungkuanni tinde tau: Timbang kalenai, ke la sipatui dio oloNa Puang Matua tu umpalosongi unturu’komi na unturu’ Puang Matua.

LUKAS 20:25

Nakuami Yesu mebali lako tinde tau: Iamoto dadi pennoloanni lako datu kapua tu apanna datu kapua sia lako Puang Matua tu apanNa Puang Matua.

1 OSSORANNA DATU 12:32

to Isakhar, tu manarang untandai attu melo, anna issanni tu apa sipato’ la napogau’ to Israel, duaratu’ pangulunna sola mintu’ siulu’na tu naparenta;

PENGGAURANNA RASULU’ 5:29

Apa mebali tu Petrus sia iatu mai rasulu’ nakua: Sipatu tau umpalosongi naturu’ tu Puang Matua na iatu tolino.

HOSEA 5:11

Iatu Efraim dipakario-riomo, sia disanggangmo napobua’ salunna, belanna naala penaanna male unturu’ apa tae’ gai’na.

TOMANGADA’ 10:2

Iatu penaanna to kinaa ma’palulako kanan, apa iatu penaanna te baga ma’palulako ia kairi.

TOMANGADA’ 8:2

Palan penaai tu parentana datu, tu belanna iamora tu sumpa mangka muposumpa ussa’bu’ sanganNa Puang Matua.

TOMANGADA’ 2:14

Iatu to kinaa unnampui mata la mentiro, apa iatu to baga lolang lan kamalillinan; apa kukanassai duka, kumua misa’ri lampak urrampoi tu mintu’ tau iato.

SARAMBU PEADA’ 17:24

Iatu to unnampui tangnga’ kinaa dio pentioran tu kakinaan, apa iatu mata to baga mettia’-tia’ bang sae lako randan langi’.

KATASSURAN 1:17

Apa mataku’ tu to ma’pakianak iato lako Puang Matua sia tae’ naturu’i tu kadanna datu Mesir, sangadinna napatuo tu mintu’ pia muane.

KOLOSE 1:9

Iamoto tempon dio mai tongki rangi tu iannato, tae’mo kitorei umpassambayangangkomi sia umpalakui kumua anna ponnoikomi kapaissanan untandai tu pa’poraianNa Puang Matua lan mintu’ kakinaan sia kamanarangan mempenaa,

PA’PUDIAN 119:6

Tae’ angku la kasirisan, ke kupalan ara’i tu mintu’ pepasanMi.

SARAMBU PEADA’ 12:21

Tae’ narampoi kamandasan tu to malambu’, apa iatu to tang mekaaluk kamatilakan manna urruai.

TOMANGADA’ 12:13

Inde sia tu kada ma’katampakanna tu mintu’ apa narangimo tau, iamotu kataku’i tu Puang Matua sia karitutui tu mintu’ pepasanNa, belanna iamoto tu sipatu lako mintu’ tolino.