TOMANGADA’ 8:12 - Sura' Madatu

¹² Belanna iatu to kadake gau’na umpogau’ kakadakean pessaratu’, anna malambe’ siapa tu sunga’na. Moi nasusito kuissan, kumua la salama’ tu to mengkaola lako Puang Matua belanna mataku’ dio oloNa.

TOMANGADA’ 8:12 Referans Kwoze

PA’PUDIAN 37:11

Apa iatu to umpamadiongan penaanna la umpomana’ padang iato, sia umpasendei kamarampasan kapua tu penaanna.

2 PETRUS 2:9

iake susito, payanmo kumua Naissan Puang urrampanan mintu’ to mengkaola lan mai kadirosoan, sia umpattang mintu’ to kelok penaanna sae lako allo pangukungan, anNa pakario-rioi,

TOMANGADA’ 7:15

Sanda rupannamo tu apa kutiro lan mintu’ allo katuoangku tu tae’ gai’na: Den tu to malambu’ sanggang moi naden kamaloloanna sia den tu to tang mekaaluk malambe’ sunga’na moi naden kakadakeanna.

TOMANGADA’ 3:14

Kutandaimo, kumua iatu mintu’ pengkaranganNa Puang Matua, matontongan; tae’ tau ma’din urrangnganni ba’tu unnalai; sia Napogau’ Puang Matua tu iannato, kumua anna mataku’ tu tau dio oloNa.

ROMA 9:22

Naumba nakua, ke Puang Matua, moi Nala umpa’pekitanan kasengkeanNa sia umpapayan kuasanNa, apa Napama’tanan tonganpa penaa tu apa nanii kasengkean, tu diparandanan kasanggangan.

LUKAS 1:50

manassa iatu kamamaseanNa tontong nasiosso’i mintu’nato ungkataku’I.

ROMA 2:5

Apa kamakarrasanna penaammu sia noka mengkatoba’, ammu rampunanni kasengkean tu kalemu sae lako allo kasengkeanNa Puang Matua sia kapayananna ukungan malambu’Na,

MATIUS 25:34

Namane ma’kada tu Datu lako tu to dio rampe kananNa kumua: Maimokomi, e kamu tu Naparongko’na Ambe’Ku, ammi pomana’i tu mana’, iamotu kadatuan diparandanangkomi tempon dio mai dikombongna tu lino.

TOMANGADA’ 7:18

Melo ke mukaritutui tu misa’ sia da murampananni tu misa’na, belanna minda-minda ungkataku’ Puang Matua la tilendok dio mai mintu’nato.

TOMANGADA’ 5:16

Ondongpi ungkande bang kandena lan mintu’ allo katuoanna nakabu’ kamalillinan, sia umperasai buda karossoan penaa sia kamaparrisan sia saki inaa.

SARAMBU PEADA’ 13:21

Iatu kakadakean unnula’ tokadake gau’na, apa lako to malambu’ la Napakkan Puang kameloan.

PA’PUDIAN 115:13

sia la Napamasakke tu mintu’ to ungkataku’ PUANG, la bitti’ la kapua.

PA’PUDIAN 112:1

Haleluya! Maupa’ tu to ungkataku’ PUANG, sia to ungkamali’ tonganni tu pepasanNa.

PA’PUDIAN 96:9

Tukkukomi menomba lako PUANG umpokassa’ pakean maindan, la ma’parondokomi dio oloNa, e mintu’ issinna lino!

1 OSSORANNA DATU 16:30

La ma’parondokomi dio oloNa, e mintu’ issinna lino: Bantang bang tu lino, naurunganni tang tibendon.

1 DATU 21:25

Inang tae’ lenpa tau susi Ahab umbaluk kalena la umpogau’ kadake dio pentiroNa PUANG, belanna nasede Izebel, bainena.

PA’TOLE 12:25

Da mukandei to, kumua na iatu iko sia iatu mai anakmu undinna la malaga’-laga’, ke mupogau’i tu apa malolo dio pentiroNa PUANG.

KATASSURAN 1:20

Iamoto Napogau’i Puang Matua tu kameloan lako to ma’pakianak iato; sakerangngan-rangngannami tu bangsa iato sia memba’ka’ kalle-kallean.

PA’TOLE 4:40

Iamoto la mukaritutui tu aluk Napondok sia pepasanNa, tu kupapassanniko totemo, kumua mumalaga’-laga’ sia iatu mai anakmu undinna na iko sia malambe’ tu sunga’mu lan tondok tu la Nasorong PUANG, Kapenombammu, lako kalemu sae lakona.

PA’TOLE 12:28

Perangii tonganni mintu’ te pepasan, tu kupepasanan lako kalemu, kumua ammu tontong malaga’-laga’ la iko la iatu mai anakmu undinna, ke mupogau’i tu apa melo sia malolo dio pentiroNa PUANG, Kapenombammu.

PA’PUDIAN 128:2

Belanna la ungkandeko lolo rangka’mu; la maupa’ko, ondongpi la salama’ko.

TOMANGADA’ 5:7

Iake untiroko to bongko dipakario-rio sia dilullu’ tu katonganan sia kamaloloan lan propinsi, da mukamangngai tu iannato, belanna iatu misa’ to kapua pangka’na umpenunui tu misa’na, sia den pole’opa ia tu madaona umpenunui tu tau iato mai.

TOMANGADA’ 12:13

Inde sia tu kada ma’katampakanna tu mintu’ apa narangimo tau, iamotu kataku’i tu Puang Matua sia karitutui tu mintu’ pepasanNa, belanna iamoto tu sipatu lako mintu’ tolino.

AYUB 35:15

Apa belanna iatu kare’dekan ara’Na Puang tae’ narampoi tu tau sia susito tae’ Napalan tarru’i penaanna tu kapatodo-tintingan,

SARAMBU PEADA’ 28:14

Maupa’ tu to tontong mataku’, apa minda-minda tu umpamakarra’ penaanna, la tobang rokko kamandasan.

YEREMIA 44:10

Sae lako allo ia duka te tae’ namagiang tu penaanna tau iato mai sia tae’ namataku’ sia tae’ naturu’ Sukaran alukKu sia apa Kupondok, tu mangka Kupa’kamasean dio tingayomi sia dio tingayona nene’ to dolomi.