TOMANGADA’ 8:10 - Sura' Madatu

¹⁰ Susi dukato kutiromo tu mai to tang mekaaluk tamamo batu dilobang dipasola nene’ to dolona, na iatu to malolo gau’na diparuku male untampei tu inan maindan sia tae’mo nakilalai sangtondokna. Ia duka tu apa iato tae’ gai’na.

TOMANGADA’ 8:10 Referans Kwoze

TOMANGADA’ 9:5

Belanna iatu to tuo naissan kumua la mate, apa iatu tomatemo tae’ apa naissan, sia tae’mo narannuanni tu poleanna, moi iatu kapengkilalanna pa’de dukamo.

TOMANGADA’ 2:16

Belanna iatu kadikilalaianna to kinaa sia to baga pada tae’ bangmo, belanna lan allo la sae masaimo dikalupai tu mintu’na to; a’adikka’ umbara nakuato, anna pada mate bangsia tu to kinaa sia to baga!

SARAMBU PEADA’ 10:7

Dinanna batu silambi’ tu to malambu’ la napomaupa’ tau, apa iatu sanganna to tang mekaaluk la bubosi.

IBRANI 10:38

Apa iatu to maloloKu la umpotuo kapatonganan; pa iake sorong boko’i, tae’ naalai PenaangKu.

PENGGAURANNA RASULU’ 6:13

Sia napopentingayo tu sa’bi tang tongan, tu umpokadai kumua: Tae’ natorei te tau iate umpasunanni kada solang te inan maindan sia Sukaran aluk,

LUKAS 16:22

Pakalan den pissan matemi tu to mase-mase iato, nasolanni malaeka’, naparokkoi rianna Abraham.

YEREMIA 17:13

sia pa’rannuanna to Israel, o PUANG! iatu mintu’ to untampeKomi la kasirisan; minda-minda tu memboko’ dio mai Kalemi, la disura’ tu sanganna diong padang, belanna natampemo tu kalimbuang boba iamotu PUANG.

TOMANGADA’ 1:11

Pa’demo tu kapengkilalan diona apa dolo, susi dukato tu apa undi tae’mo nala den tu kapengkilalan lako tu to undi.

PA’PUDIAN 31:12

Tu belanna mintu’ to uneana’ angku ditanda to kadake, ondongpi dio mai sangbanuangku, sia napotiramban sitanda-tandangku; sia minda-minda untirona’ dio lu lalan napallaianna’.

AYUB 21:18

La susito dalame napettiaran angin, sia susi ta’pian nasarombonan angin bara’.

TOMANGADA’ 9:15

Lan kota iato den misa’ tobongko kinaa tu ma’din ullendokanni tu kota iato bannang dio kakinaanna, apa moi misa’ tau tae’ ungkilalai tu tobongko iato.