TOMANGADA’ 8:1 - Sura' Madatu

¹ Mindara la susito kinaa? Sia mindara untandai tu battuananna mintu’ apa? Iatu kakinaanna tau umpaparrang lindona, anna pamalutei tu lindo matorona.

TOMANGADA’ 8:1 Referans Kwoze

PENGGAURANNA RASULU’ 6:15

Iatonna pemarangai mintu’ to unno’ko’ lan kombongan tu Stefanus, natiromi tu rupanna susito rupa malaeka’.

PA’TOLE 28:50

misa’ bangsa matampo, tu tang ungkasayangi to ubanan sia tang ungkamasei pia;

2 PETRUS 1:20

Apa iatu ma’iringanna la mikilalai tu iannate, kumua tae’ misa’ pa’nubua’ lan Sura’ Madatu ma’din nabattuananni tangnga’ misanna tolino,

2 TIMOTIUS 4:17

Apa Puang urrondongna’ sia umpabatta’na’, kumua anna sundun kalelean tu kadipalolanganna Kareba-kaparannuan belanna aku sia anna rangii mintu’ bangsa; sia lessu’mo’ dio mai sadang singa.

PENGGAURANNA RASULU’ 4:29

Na totemo te, o Puang, tiromi tu mintu’ pa’pakarrangna, sia benni pa’kamasean te taumMi anna batta’, umpokadai tu kadamMi,

PENGGAURANNA RASULU’ 4:13

Iatonna tiroi tu kabattaranna penaanna Petrus sola Yohanes, sia naissan kumua tae’ nadiada’i sura’ sukaran aluk sia to biasa bangsia, mangngami, maneri natandai kumua iatinde tau sola duai sisolamo Yesu pirambongi’.

SARAMBU PEADA’ 17:24

Iatu to unnampui tangnga’ kinaa dio pentioran tu kakinaan, apa iatu mata to baga mettia’-tia’ bang sae lako randan langi’.

AYUB 33:23

Iake den misa’ malaeka’ bendan untundui, iamotu misa’ pa’bisara, misa’ lan sangsa’bu, la umpamanassai lako misa’ tau tu apa sipatu la napogau’,

EFESUS 6:19

sia aku duka, dikua angku ditadoi kada to ke tiku’bi’i pudukku, la umpa’peissanan rasianna Kareba-kaparannuan situru’ kabaranian pena- angku.

MATIUS 17:2

Membalimi tu rupanNa dio tingayona tinde tau, naparrang tu lindoNa susi allo, sia iatu pakeanNa mandu mabusssang susi arrang masiang.

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

SARAMBU PEADA’ 24:5

Iatu to kinaa matoto’, sia iatu to unnampui kapaissanan umpasombo kamawatangan.

SARAMBU PEADA’ 1:6

la untandai kada peada’ sia panganderan, kadanna sia ponto bannangna tokinaa.

KADADIAN 40:8

Nabalimi nakua: Mangkakan ma’tindo, apa tae’ misa’ tau indete la ussembangi. Nakuami tu Yusuf lako: Tang Puang Matuaraka umpoissanni tu battuananna; pokadan siana’ mai tu tindomi.

ROMA 13:5

Iamoto sipatuko umpopengkanorong kalemu, tangia kumua diona manna tu kasengkean, sangadinna diona duka sukaran inaa.

SARAMBU PEADA’ 21:29

Iatu to tang mekaaluk ma’lindo batu, apa iatu to bulo lollong umpamanassa tongan lalanna.

KATASSURAN 34:35

Iake natiroi to Israel tu kuli’ lindona Musa pandila-dila, nalullungiomi Musa tu lindona sae lako tamanna la sipa’kada Puang.

SARAMBU PEADA’ 12:8

Iatu tau dipangke’ sitinaya tangnga’ kinaanna, apa iatu to leko’ penaanna la dipamatuna.

DANIEL 2:22

Ia umpaombo’i tu apa tang dilambi’ la diissan sia apa kabunian, Naissan duka tu apa lan malillinna sia siayoka kamasiangan.