TOMANGADA’ 7:8 - Sura' Madatu

⁸ Melo ia ma’katampakanna tu misa’ apa na iatu pamulanna; melo iatu to kalando pesuka’, na iatu to madao penaa.

TOMANGADA’ 7:8 Referans Kwoze

IBRANI 10:36

Belanna sipato’komi unnampui kabantangan penaa, dikua anna iake mangkamokomi umpogau’i tu pa’poraianNa Puang Matua, ammi appa’i tu apa diallu’.

SARAMBU PEADA’ 14:29

Iatu to kalando pesuka’ maluangan tu tangnga’ kinaanna, apa iatu to madomi’ narampoi palla penaa iamo umpasipapa’ kabagan.

1 PETRUS 1:13

Iamoto pamataranni tu tangnga’mi sia maingarangkomi sia rannuan tongan-tonganni tu pa’kamasean la diparampo lako kalemi, ke attunnami sombo tu Yesu Kristus.

YAKOBUS 5:11

Kilalai kumua iatu to bantang, tabilang maupa’; mangkamo mirangi tu kabantanganna Ayub, sia mangkamo mitiro tu katampakanna penggauranNa Puang, kumua sumpu mamase sia liu kaboro’.

YAKOBUS 5:8

Ma’tan penaa dukakomi ammi pabatta’ penaammi, belanna mareke’mo tu kasaeanNa Puang.

GALATIA 5:22

Apa iatu mai buanNa Penaa, iamotu pa’kaboro’, kaparannuan, kamarampasan, pesuka’ kalando, kamasokanan, kameloan, kamarurusan,

LUKAS 21:19

ke umpatontong bangkomi penaammi, ungkarimmanni katuoammi.

SARAMBU PEADA’ 16:32

Iatu to kalando pesuka’ ussau’ misa’ to lalong, sia minda-minda untaloi penaanna ussau’ to untalo misa’ kota.

SARAMBU PEADA’ 15:18

Iatu to madomi’ mapalla umpabu’tu kasigagan, apa iatu to kalando pesuka’ umparapa’ kasiboboran.

LUKAS 16:25

Apa nakua Abraham: E anakku, kilalai tommu tuopa mangkamoko unnala kataanan melomu, susi duka tu Lazarus mangkamo unnalai tu kadakena, apa totemo iamo dipakatana, natang mutananmo iko tu parri’mu.

SARAMBU PEADA’ 28:25

Iatu tau tontong bang ungkaduangi ianan umpabu’tu kasisalan, apa minda-minda tu umposande’ PUANG, la dipedia’i tongan kameloan.

SARAMBU PEADA’ 13:10

Bannang dio kamatampoan anna bu’tu kasigagan, apa iatu to umperangii pa’patudu, unnampui kakinaan.

EFESUS 4:2

Naturu’ mintu’ penaa mengkadiongan sia sorong inaa sia pesuka’ kalando, sipama’tanan penaa situru’ pa’kaboro’.

TOMANGADA’ 7:1

Mandu melo tu sanga melo na iatu minna’ pandere’ busarungngu’, sia melo iatu allo kamateanna tau na iatu allo kadadianna.