TOMANGADA’ 7:24 - Sura' Madatu

²⁴ Mintu’ apa den tang dilambi’ dirundunan, sia tang dilambi’ disandak, mindara ma’din untarru’i?

TOMANGADA’ 7:24 Referans Kwoze

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

1 TIMOTIUS 6:16

Tu Ia manna unnampui tu tang mate, sia unnesungi arrang tang dirandan, tu tae’ lenpa tau untiroi ba’tu ma’din untiroi, na mintu’na kamala’biran sia kapaan matontongan lu lako nasang Kalena! Amin.

PA’PUDIAN 139:6

Iatu kapaissanan iato lendu’ namangngaingku, sia lendu’ mandalanna, tang kulambi’.

AYUB 28:28

apa lako tolino ma’kada Nakua: Manassa iatu kamatakuran lako Puang – iamo kakinaan sia toyang dio mai kakadakean, iamo patiro penaa.

PA’PUDIAN 36:6

O PUANG iatu kamasokanamMi sumpu langngan langi’, sia iatu kamarurusamMi tu’tun dao massaliu’na.

AYUB 37:23

Iatu Puang umpoissan angge maritik tu tae’ tatandai, kapua kamatotoranNa sia kamalamburanNa; tu liu kamaloloanNa, tang umpakelok malolona.

TOMANGADA’ 8:17

attu ia dukato kutiro tu mintu’ pengkaranganNa Puang Matua, tae’ nalambi’ tangnga’na tolino, iamotu mintu’ penggauran lan naarrang matanna allo; belanna moi umba nakua mara’ta’ tu tolino undaka’i, tae’ duka nalambi’i, ondongpi moi anna ma’kada tu misa’ to kinaa, kumua naissanni, tae’ duka nalambi’i tangnga’na.