TOMANGADA’ 7:23 - Sura' Madatu

²³ Mintu’nate kusudi, angku appa’ kakinaan sia ma’kadana’, kukua: moraina’ la unnappa’ kakinaan, apa tae’ kulambi’i.

TOMANGADA’ 7:23 Referans Kwoze

ROMA 1:22

Kaussanganna kalena kinaa anna ia todamo napobaga,

1 KORINTUS 1:20

Naumbamira tu to manarang? Umbamira tu pandita Sura’? Umbamira tu to umpelalan bang apa dadi lan te attu iate? Tae’raka Napopendadii Puang Matua pa’popetaa tu kakinaanna te lino?

KADADIAN 3:5

Sangadinna Naissan Puang Matua, kumua randuk allo iato, ke mikandei tu bua kayu iato, ta’pa tibungka’ tu matammi, ammi susi Puang Matua unnissan melo sia kadake.

TOMANGADA’ 3:11

Mangkamo Napadadi melo tu mintu’na lan attunna sia Napatama duka lan penaanna tolino tu pa’tangngaran diona apa situran-turan tempon dio mai, apa moi misa’ tae’ natandai tolino tu diona pengkarangan Nakarang Puang Matua dio mai pamulanna sae lako ma’katampakanna.

TOMANGADA’ 7:22

Belanna pembudamo tuo lan penaammu, kumua unggatai dukako to senga’.

TOMANGADA’ 8:17

attu ia dukato kutiro tu mintu’ pengkaranganNa Puang Matua, tae’ nalambi’ tangnga’na tolino, iamotu mintu’ penggauran lan naarrang matanna allo; belanna moi umba nakua mara’ta’ tu tolino undaka’i, tae’ duka nalambi’i, ondongpi moi anna ma’kada tu misa’ to kinaa, kumua naissanni, tae’ duka nalambi’i tangnga’na.

TOMANGADA’ 1:17

susimoto kunii umpatu’tunni lan penaangku la untandai tu kakinaan sia kapaissanan sia kabagan sia katangpaissanan. Apa kutandaimo, kumua ia duka tu iannato susiki’ to unnula’ angin.