TOMANGADA’ 7:13 - Sura' Madatu

¹³ Nannungi tu mintu’ pengkaranganna Puang Matua, belanna mindara ma’din umpamaloloi tu apa Napakelok?

TOMANGADA’ 7:13 Referans Kwoze

TOMANGADA’ 1:15

Iatu apa kelok tae’ nakullei malolo, sia iatu apa kurang tang dikemba’ diia’.

AYUB 12:14

IanNa rondonni Puang, tae’mo nadibangun sule; iake Natarungkui tu tau, tae’ nadibungkaran.

YESAYA 5:12

Iatu pa’maruasanna napamarua’ oni katapi, dandi, ganda’-ganda’ sia suling sia anggoro’, apa iatu penggauranNa PUANG tae’ anna palan ara’i sia tae’ anna sailei tu lalan limanNa.

TOMANGADA’ 3:11

Mangkamo Napadadi melo tu mintu’na lan attunna sia Napatama duka lan penaanna tolino tu pa’tangngaran diona apa situran-turan tempon dio mai, apa moi misa’ tae’ natandai tolino tu diona pengkarangan Nakarang Puang Matua dio mai pamulanna sae lako ma’katampakanna.

EFESUS 1:11

Lan dukamo Kalena tanii dipadadi mana’, dilampak unturu’ tanan penaanNa Puang Matua, tu umpakedo mintu’na, situru’ lalan pa’inaanNa.

YESAYA 14:27

Iatu mintu’ apa mangka Nalampak PUANGna mintu’ ma’dandan maritik, mindara la undampai, iatu limanNa tie’te’mo, mindara la umpodoranni?

PA’PUDIAN 107:43

Mindara tu kinaa? Iatu to kinaa sipatu umparinaai tu iannate, sia umpariba’tengi tu mintu’ tanda mamaseNa PUANG.

ROMA 9:19

Umbai la ma’kadako lako kaleku kumua: Ma’apai Nanenne’ bangpa pasayu? Belanna minda ia la unneai tu pa’poraianNa?

ROMA 9:15

Belanna Nakua Puang Matua ma’kada lako Musa kumua: La maturu-turuNa’ untiro to Kukaturu-turui sia mamaseNa’ untiro to Kukamasei.

YESAYA 43:13

Iake undinna Aku duka tu Puang Matua sia moi misa’ tau tae’ la urrampananni lan mai lisu pala’Ku. Iake Kupogau’i, mindara ma’din undampai?

AYUB 37:14

E Ayub, tananni talinga tu iannate, bendanmokomi, ammi palan penaai tu tanda kalle-kalleanNa Puang Matua.

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

PA’PUDIAN 8:3

Dio pudukna pia sia pia malia Minii untanan kamatotoran unno’ton mintu’ ualimMi, amMi tang umpasumui tu mintu’ ualimMi sia to untambuk essun.

AYUB 34:29

Iake ma’pakappai tu Puang, mindara la ma’pasala? Sia iake Nabunianni lindoNa tu misa’ tau, mindara la untiroi – la pada-pada tu misa’ bangsa ba’tu misa’ tau –

AYUB 11:10

Iake matira’I sae, anna ma’tingkan sia ma’paolai salu lan kombongan, minda tu la umpadapa Puang?

AYUB 9:12

Iake Nasintakki tu mai apa, mindara umpadapai? Mindara tu ma’kada lako Kalena nakua: Apara tu mipogau’?

TOMANGADA’ 8:17

attu ia dukato kutiro tu mintu’ pengkaranganNa Puang Matua, tae’ nalambi’ tangnga’na tolino, iamotu mintu’ penggauran lan naarrang matanna allo; belanna moi umba nakua mara’ta’ tu tolino undaka’i, tae’ duka nalambi’i, ondongpi moi anna ma’kada tu misa’ to kinaa, kumua naissanni, tae’ duka nalambi’i tangnga’na.

LUKAS 12:26

Sala duka bitti’na tang mikulle umpogau’i, ma’apai miinaa-naa bangi tu senga’na?