TOMANGADA’ 7:1 - Sura' Madatu

¹ Mandu melo tu sanga melo na iatu minna’ pandere’ busarungngu’, sia melo iatu allo kamateanna tau na iatu allo kadadianna.

TOMANGADA’ 7:1 Referans Kwoze

KADA OMBO’ LAKO RASULU’ YOHANES 14:13

Kurangimi misa’ gamara dao mai langi’ ma’kada nakua: Sura’i susite: Rongko’ tu mintu’ to matemo, iamotu to mate lan Puang randuk totemo. Ondongpi, nakua tu Penaa, iatu tau iato mai la umpelayoan tarru’mo kamasussanna; belanna mintu’ penggauranna undi urrondongi.

SARAMBU PEADA’ 22:1

Iatu sanga melo losong ia na ia tu kasugiran kapua sia kamaturu-turuan mandu melo na iatu salaka sia bulaan.

TOMANGADA’ 4:2

Iamoto kupudii tu mintu’ tomate, tu masaimo ka’tu sunga’na, kumua losong upa’na na mintu’ to tuo, tu tuopa sae lako totemo.

2 KORINTUS 5:8

Apa batta’ tu penaanta sia tala’biran untampei te kale iate, anta tama banuanNa Puang.

2 KORINTUS 5:1

Belanna taissan kumua iake dirondonnimi tu tenda tanii torro lan te lino, la unnappa’ki’ misa’ banua lu dio mai Puang Matua dao suruga, la tanii torro, tu tangngia panggaraga lima, sangadinna tontong sae lakona.

PA’TENDENG BALLO 1:3

Iatu bau minna’mi busarungngu’, sia iatu sangammi susitu minna’ pandere’ dibolloan. Iamoto anna mintu’ anak dara ungkasinnaikomi.

TOMANGADA’ 10:1

Iatu ba’tu pira-pira kasisi’ mate umpabosi sia umpare’de salapna to unggaragai salap; susi dukato tu kabagan sidi’, matoto’ unnala penaanna tau na kakinaan sia kamala’biran.

SARAMBU PEADA’ 27:9

Iatu minna’ sia pandere’ umpamanaman penaanna tau, susi dukato tu kasisangmanean lantuk diona pa’pakilala malolo.

YESAYA 56:5

La Kuben tanda kapengkilalan sia sanga tu tau iato mai mandu melo anna mintu’ pia muane sia baine lan banuangKu sia lanna lu nalili’ rinding tembo’Ku; Kubenmo misa’ sanga matontongan sia tang la dipa’dei.

SARAMBU PEADA’ 15:30

Iatu mata dukku-dukku mekasokanni, umpakarannu penaanna tau; sia iatu kareba melo umpamatoto’ tu buku lampa.

AYUB 3:17

Dio tu nanii to tang mekaaluk untorroi kamarukkan, inde to nanii melayo tu to tang mabukumo.

YOHANES 13:2

Iatonna katumimburan bongi, tonna mangka deata bulituk umpatudui lan penaanna tu Yudas Iskariot, anakna Simon, la umpa’peturoan Yesu,

PA’PUDIAN 133:2

Iatu iannato sangtinti minna’ ballo dipoboka’, tu lolong lako danggo’, iamotu danggo’na Harun, titantan sae rokko pollo’ bayu lamba’na.

IBRANI 11:39

Na mintu’ tau iato, moi anna dipokada melo tu sanganna belanna kapatongananna, apa iatu apa dialluranni tae’pa anna appa’i.

IBRANI 11:2

Belanna tete dio kapatonganan anna dipokada melo tu sanganna nene’ to dolo-dolo.

LUKAS 10:20

Apa da naparannu penaammi, belanna mengkanorong lako kalemi tu deata masussuk, sangadinna iari la napoparannu penaammi, tu disura’ lan suruga tu sangammi.

PA’TENDENG BALLO 4:10

Lendu’ ia keangga’na, tu mali’mu, e adingku, e dodo’ sangkalamma’ku, lendu’ ia marasanna tu mali’mu na uai anggoro’ sia la’bi busarungngu’ ia tu minna’ pandere’mu na iatu mintu’ pebangki’.

TOMANGADA’ 7:8

Melo ia ma’katampakanna tu misa’ apa na iatu pamulanna; melo iatu to kalando pesuka’, na iatu to madao penaa.

YUNUS 4:3

Iamoto, o PUANG, alami tu sunga’ku, belanna kula’biran mate na iatu tuo.

RUT 3:14

Mamma’ bangmi diong to’ lentekna sae lako masiangna; millikmi tonna la sisarakmo masiang, belanna ma’kada tu Boas nakua: Da naissanni tau kumua den baine sae lako to’ panglulluran.

SARAMBU PEADA’ 25:10

da nabe’seko minda-minda urrangi tu iannato; ianna susito, tae’ nala tore tu lele kadakemu.