TOMANGADA’ 6:2 - Sura' Madatu

² iamotu tau Naben Puang Matua kasugiran, ianan buda sia kapaan, naurungan moi misa’ tae’ kurang tu mintu’ apa nakamorai, apa tae’ Naeloranni Puang Matua la umperasai melona, sangadinna to senga’ pura ungkandei. Iatu apa iato tae’ gai’na sia umpa’dikki tongan penaa.

TOMANGADA’ 6:2 Referans Kwoze

TOMANGADA’ 5:19

Belanna tae’ napembuda ungkilalai, kumua kondi’ tu katuoanna, saba’ Napasende Puang Matua diona kaparannuan penaanna.

PA’PUDIAN 17:14

Na limamMi urrampananna’ dio mai tau iato mai, o PUANG, iamotu to umbudanan lino, tu katuoan ia manna te napotaa, amMi patamai apa pura Miparandananni tu tambukna, sia napodia’ dukai anakna, sia iatu sesanna la natampean bati’na.

PA’PUDIAN 73:7

Lombon tu matanna napobua’ lompona, sia tarru’ ponno tangnga’ matampo tu penaanna.

1 DATU 3:13

Sia ia duka tu apa tae’ mupalakui, la Kukamaseangko, la kasugiran la kamala’biran, naurunganni dio lu mintu’ datu lan mintu’ allo katuoammu tae’ tu padammu.

BATING 5:2

Iatu taa mana’ki tobangmo tama limanna to salian, sia mintu’ banuangki tilelemo tama limanna to tama sae.

PA’PUDIAN 39:6

Manassa iatu sunga’ku sangdangkanri mangka Milampak, sia iatu katuoangku butung bayo-bayo bangri dio oloMi; ondongpi mintu’ tau bendan, susi bangri damo’. Sela

HOSEA 7:9

Napurai to salian lembang tu kamawatanganna, apa tae’ nasa’dingi. Ondongpi nasitutu’imo uban, apa tae’ naissanni.

DANIEL 5:18

O datu, mangkamo Puang Matua, Patodoranna, ungkamasei kadatuan, kataromposan, kadipangkeran sia kamala’biran tu Nebukadnezar, ambe’mi.

TOMANGADA’ 5:16

Ondongpi ungkande bang kandena lan mintu’ allo katuoanna nakabu’ kamalillinan, sia umperasai buda karossoan penaa sia kamaparrisan sia saki inaa.

TOMANGADA’ 4:8

iamotu misa’ tau tae’ solana, moi anakna ba’tu siulu’na tae’ duka, apa moi susito tae’ duka upu’na tu mintu’ sara’na; sia tae’ namangingngi’ tu matanna untiroi tu mintu’ kasugiranna; – mindara la umpomaupa’i angku mara’ta’ bangra sia tang unneloran kaleku umperasai tu melona? Ia duka tu iannato tae’ gai’na sia misa’ apa kadake.

TOMANGADA’ 4:4

Kutiro duka, kumua iatu mintu’ sara’ sia mintu’ kamalintaran mengkarang, umpabu’tu kamangimburuanna misa’ tau lako solana; ia duka tu apa iato tae’ gai’na sia susito unnula’ angin.

2 OSSORANNA DATU 1:11

Ma’kadami tu Puang Matua lako Salomo Nakua: Belanna susite tu apa lan penaammu sia tae’ mupalaku kasugiran sia ianan sia kamala’biran sia sunga’na to ungkabiri’ko sia tae’ duka tu kamalamberan sunga’, sangadinna kakinaan sia kapaissanan mupalakuan kalemu la umparentai tu taungKu, tu Kunii unnangka’ko datu,

1 OSSORANNA DATU 29:28

Iatonna mandu matessekmo sia sebo kasugiranna sia kamala’biranna, sisarakmi angin natambuk tu datu, anna sondai Salomo, anakna muane, dadi datu.

1 OSSORANNA DATU 29:25

Mandu Napatarompo’mi PUANG tu Salomo dio pentirona mintu’ to Israel, sia naben kadatuan kabarre-alloan, tu tae’ bangpa naden dolona misa’ datu dio lu to Israel, tu susi kamala’biranna to.

TO PARENGNGE’ 18:10

Iammi rampo lako la mitiro tu misa’ bangsa tang marea, sia iatu pa’padanganna tiku lao malona’ tongan. Manassa Nasorongmo Puang Matua tama limammi; lan tondok iato tae’ misa’ apa kurang tu mintu’ apa lan te lino.

PA’TOLE 28:43

Iatu to sae dio musisolan samasai-sainna iamo la untongloiko, ammu sarokko-rokkona iko.

PA’TOLE 28:33

Iatu bura padangmu sia bura rangka’mu la nakande misa’ bangsa tang mutandai; tontong bangko dipakario-rio sia dilullu’.

TOMANGADA’ 5:13

Belanna pa’de tu kasugiran iato, napobua’ kamatilakan; sia iake undadianni misa’ pia muane, natae’mo apa-apa naampui.

YESAYA 55:2

Ma’apai ammi palaoi doi’ tu tangia kande sia polean ra’ta’mi tu tang mepedia’ina? Perangii meloNa’, ammi kandei tu apa maelo, sia anna pasende kalena tu deatammi situang kaseboan.

TOMANGADA’ 5:18

Susi dukato minda-minda tu Nakamasei Puang Matua kasugiran sia ianan buda sia Naelorampa la ungkandei to sia la unnalai tu taana, sia la umposende ra’ta’na – iatu iannato misa’ pa’kamaseNa Puang Matua.