TOMANGADA’ 5:19 - Sura' Madatu

¹⁹ Belanna tae’ napembuda ungkilalai, kumua kondi’ tu katuoanna, saba’ Napasende Puang Matua diona kaparannuan penaanna.

TOMANGADA’ 5:19 Referans Kwoze

PA’TOLE 8:18

Apa la mukilalai tu PUANG, Kapenombammu, belanna Iamo, tu ungkamaseangko kamatotoran la ungkabu’tui tu ianan, kumua anNa palanda’i tu basse, tu Natanan sola nene’ to dolomu Napalaoi sumpa, susitu a’ganna te allo iate.

TOMANGADA’ 3:13

kondi’na, kumua ke denni tau kumande sia mangiru’ sia umperasai melona dio mai mintu’na kamara’tasanna, iamoto tu pa’kamaseNa Puang Matua.

TOMANGADA’ 6:2

iamotu tau Naben Puang Matua kasugiran, ianan buda sia kapaan, naurungan moi misa’ tae’ kurang tu mintu’ apa nakamorai, apa tae’ Naeloranni Puang Matua la umperasai melona, sangadinna to senga’ pura ungkandei. Iatu apa iato tae’ gai’na sia umpa’dikki tongan penaa.

2 OSSORANNA DATU 1:12

iamoto iatu kakinaan sia kapaissanan la dikamaseangko; ondongpi la Kubenko kasugiran sia ianan sia kamala’biran, susitu tae’pa naampui mintu’ datu tu dolo na iko sia tae’ nala unnampui mintu’ datu undi na iko.

1 DATU 3:13

Sia ia duka tu apa tae’ mupalakui, la Kukamaseangko, la kasugiran la kamala’biran, naurunganni dio lu mintu’ datu lan mintu’ allo katuoammu tae’ tu padammu.