TOMANGADA’ 5:16 - Sura' Madatu

¹⁶ Ondongpi ungkande bang kandena lan mintu’ allo katuoanna nakabu’ kamalillinan, sia umperasai buda karossoan penaa sia kamaparrisan sia saki inaa.

TOMANGADA’ 5:16 Referans Kwoze

TOMANGADA’ 1:3

Apara sarona tu tolino lan mintu’ ra’ta’na, tu nakara’ta’i, lan naarrang matanna allo?

SARAMBU PEADA’ 11:29

Minda-minda tu umpopa’elo’na bang banuanna, la umpomana’ angin; sia iatu to baga la dadi kaunan lako to kinaa.

YOHANES 6:27

Da mira’ta’i kalemi undaka’i tu kande tang marendeng, sangadinna iari tu kande marendeng, tu la Nabenkomi tu Anak rampan dilino; belanna Iamotu mangka Napamanassa Puang Matua Ambe’.

MARKUS 8:36

Belanna apara la napomaupa’ tau, moi naassang nasangi te lino, apa karugian deatanna?

HOSEA 8:7

Belanna unnambo’mo angin tu tau iato mai, tae’ duka nasalai tang talimpuru’ napolean: la langko tu gandung, iamo tananan, tu tang la umpaden ta’pung; moi naden issinna, to tama sae la unnampello’i.

YEREMIA 2:8

Iatu mintu’ to minaa tae’ nama’kada kumua: Umbara Nanii tu PUANG sia mintu’ tu to sikambi’ sukaran aluk tae’ namorai untandaiNa’ sia mintu’ to mangkambi’ memboko’ dio mai Kaleku sia mintu’ nabi ma’nubua’ nalopian Baal sia unturu’ kapenomban tae’ gai’na.

YESAYA 26:18

Ma’tambuk dukakan, mangumbero dukakan, apa sangtintikan to ungkianakan angin; tae’ angki umpabu’tuan katilendokanna tana sia tae’ angki padadian la napoissinna lino.

TOMANGADA’ 5:13

Belanna pa’de tu kasugiran iato, napobua’ kamatilakan; sia iake undadianni misa’ pia muane, natae’mo apa-apa naampui.

1 SAMUEL 12:21

Da misepang unturu’ apa tang kebattuan, tu tae’ gai’na sia iatu tae’ nabelai patunduan, belanna tang kebattuan.

1 KORINTUS 16:16

Ammi mengkaola lako tu to susito sia lako tu mai mintu’ to patunduan sia to mara’ta’.

TOMANGADA’ 2:11

Iatongku messaile lako mintu’ panggaraga limangku, sia lako sara’ tu kunii mara’ta’ la ungkarangi tu iannato – manassa iatu mintu’nato tae’ gai’na sia susito unnula’ angin sia tae’ kamauparan lan naarrang matanna allo.

TOMANGADA’ 3:9

Apara napolean tu to mengkarang dio mai tu apa nakara’ta’i?