TOMANGADA’ 4:8 - Sura' Madatu

⁸ iamotu misa’ tau tae’ solana, moi anakna ba’tu siulu’na tae’ duka, apa moi susito tae’ duka upu’na tu mintu’ sara’na; sia tae’ namangingngi’ tu matanna untiroi tu mintu’ kasugiranna; – mindara la umpomaupa’i angku mara’ta’ bangra sia tang unneloran kaleku umperasai tu melona? Ia duka tu iannato tae’ gai’na sia misa’ apa kadake.

TOMANGADA’ 4:8 Referans Kwoze

1 YOHANES 2:16

Belanna mintu’na tu lan lino, iamotu kamailuan pa’kalean, kamailuan mata, sia kasolleran, tae’ nalu dio mai Ambe’, sangadinna lu dio mai lino.

SARAMBU PEADA’ 27:20

Iatu lino tomate sia bambana mukkun tae’ bang la mosona, susi dukamo tang mosona tu matanna tau.

LUKAS 12:20

Apa Nakua Puang Matua lako: E to baga, ia bangsiamote bongi iate nadituntun tu penaammu dio mai kalemu, namindamo la umpoapai tu mintu’na apa-apa mangka mupasakka’ to?

TOMANGADA’ 1:8

Iatu mintu’na apa mepamata’ka’, tang dikemba’ disa’bu’; iatu mata tang namoso mentiro sia iatu talinga tang naponnoi pa’peranginna.

MATIUS 11:28

Malekomi mai, e kamu mintu’ boyo’na sia dipapassanni magasanna, Akumote tu la umbenkomi kapelayoan.

TOMANGADA’ 1:13

sia kupapatuimo penaangku la untuntun tonganni sia umparessai tu kakinaan lan mintu’ apa dadi nasambo langi’. Iamoto tu misa’ pengkarangan masussa Nasorong Puang Matua lako ma’rupa tau kumua anna mara’ta’ ungkarangi.

YESAYA 5:8

Upu’ allona tu to umpasirapi’-rapi’ banua sia to umpasikande-kande pa’lak, naurunganni tae’mo pa’pa’lakan sia kamu mannamo tau lan tondok.

TOMANGADA’ 5:10

Iake kerangnganni tu ianan, inde dukato nanii kerangngan tu to ungkandei; sia apara upa’na tu to unnampui, sangadiri natirona manna mata?

PA’PUDIAN 39:6

Manassa iatu sunga’ku sangdangkanri mangka Milampak, sia iatu katuoangku butung bayo-bayo bangri dio oloMi; ondongpi mintu’ tau bendan, susi bangri damo’. Sela

KADADIAN 2:18

Sia ma’kada tu PUANG Kapenomban susite: Tae’ anna melo, ke misa-misa bangri tu tolino. La Kukombongan to umbalii, tu nasangkalammaran.

YESAYA 55:2

Ma’apai ammi palaoi doi’ tu tangia kande sia polean ra’ta’mi tu tang mepedia’ina? Perangii meloNa’, ammi kandei tu apa maelo, sia anna pasende kalena tu deatammi situang kaseboan.

TOMANGADA’ 2:23

Ke ungkarangi pengkaranganna lan mintu’ allo katuoanna situang kamasussan sia karossoan, sia moi mabongi tae’ narapa’ penaanna? Ia duka tu apa iato tae’ gai’na.

TOMANGADA’ 2:21

Belanna moi nakara’ta’i tau tu misa’ pengkarangan situang kakinaan sia kapaissanan sia kamanarangan, inang la natampe napotaai to tang ungkara’ta’i. Ia duka tu apa iato tae’ gai’na sia kadake tongan.

TOMANGADA’ 4:7

Kutiro pole’omi tu misa’ apa tae’ gai’na lan naarrang matanna allo;

PA’PUDIAN 39:7

Iatu mintu’ tau timbayo bangri susi bayo-bayo; ussara’i punala bang kalena, untombon ianan, apa tae’ naissanni minda la umpomaruai.

TOMANGADA’ 5:9

Minda-minda ungkamali’ doi’, tae’ nadipedia’i doi’, sia minda-minda ungkamali’ kasugiran, tae’ nadipedia’i bunga rangka’na. Ia duka tu apa iato tae’ gai’na.