TOMANGADA’ 4:13 - Sura' Madatu

¹³ Misa’ pia muane kinaa, moi anna bongko, mandu melo na iatu misa’ datu matua, apa baga, tu tang umperangii pa’pakilala.

TOMANGADA’ 4:13 Referans Kwoze

2 OSSORANNA DATU 25:16

Apa marassan bangsia sipa’kada, nakuami datu lako: Naangka’rokomika tau pa’bisaranna datu? Kappakomi, apa gai’mi la napatei tau? Kappami tu nabi sia ma’kada nakua: Kuissanmo, kumua Nalampak dukamo Puang Matua la ussanggangikomi, belanna penggauran susimmi te sia tae’ miperangii tu pa’pakilalangku.

SARAMBU PEADA’ 19:1

Iatu to kalala’ unnola kamaloloan mandu melo na iatu to ma’kada leko’ sia natompoi kabagan.

SARAMBU PEADA’ 28:6

Iatu to kalala’ unnola malolo mandu melo na iatu to kelok lalanna, moi anna sugi’.

1 DATU 22:8

Nakuami tu datu to Israel lako Yosafat: Den siapa misa’ tau, tu tapotete ma’din mekutana lako PUANG, apa kukabiri’, belanna tae’ bang maelona tu napokada diona kaleku, sangadinna kadakena manna, iamo tu Mikha anakna Yimla. Nakuami Yosafat. Da nama’kada susito tu datu.

KADADIAN 37:2

Inde sia tu ulelean diona bati’na Yakub. Iatu Yusuf tonna sangpulo pitumo taun dadinna, manglaami sola mintu’ siulu’na-namangurapa-sibaa anakna Bilha sia anakna Zilpa, tu da’dua bainena ambe’na, naparampomi Yusuf lako ambe’na tu kareba diona kakadakeanna siulu’na.

TOMANGADA’ 4:12

Iake ma’dinni misa’ tau untalo tau misa’, manassa iatu tau da’dua nakullepa bendan unneai; sia iatu tallu ulang dipasiulang, tae’ namadomi’ dika’tuan.

TOMANGADA’ 7:19

Iatu kakinaan umpabu’tuan kuasa to kinaa losong na iatu kuasa naampui sangpulo to paa lan misa’ kota.