TOMANGADA’ 3:7 - Sura' Madatu

⁷ Den tu attu dinii masserek sia den tu attu dinii mandasi’, den tu attu dinii ma’pakappa sia den tu attu dinii ma’ulelean.

TOMANGADA’ 3:7 Referans Kwoze

MIKHA 7:5

Da’mo mipatonganni tu solami, da’mo mikatappa’i tu sangmanemi; kanandai tu pudukmu lako tu baine mamma’ diong riammu.

AMOS 5:13

Iamoto nakappa tu to unnampui tangnga’ kinaa lan attu iato, belanna attu iate kadake.

PENGGAURANNA RASULU’ 4:20

Belanna kami te ma’apa-apai angki la untorei umpokadai tu apa mangka kikita sia kirangi.

BATING 3:28

Sipatu unno’ko’ misa-misa sia ma’pakappa bang, ke Napapassannimi Puang.

YOËL 2:13

Sessei tu penaammi, da na iatu tamangkalemi sia mengkatoba’komi lako PUANG, Kapenombammi. Belanna sumpu mamase sia sa’pala buda tu Puang, kalando pesuka’ sia kapua kamasokananNa, sia Napenassanni tu diona kamandasan.

ESTER 7:4

Belanna kami te mangkamokan dibaluk la aku la bangsaku, la disanggangi, dipatei sia disabu’i. Moronganna angki la dibaluk la mendadi kaunan sia kaunan baine, manassa la kappana’, apa iate kamandasan iate tae’ padanna tu mintu’ apa umparugi datu.

AMOS 8:3

Allo iato iatu mintu’ nanian lan Banua Kabusungan la membali kasumarroan, kadanNa Puangta PUANG. La makamban tu batang rabuk. Umba-umba nii Puang tu umpasilentenanni. Kappakomi.

YEREMIA 8:14

Ma’apai anta la unno’ko’ indete? Sirampunkomi, maikomi tatama tondok ma’tambakuku, moi tadio lu, inang la sanggang dukaki’, belanna Nasorongmoki’ PUANG, Kapenombanta, lako kasanggangan sia Napairu’moki’ rasun, belanna kasalanmoki’ lako PUANG.

YESAYA 36:21

Apa tau iato mai kappa bang, moi sangbuku kada tae’ napebalii, belanna nakua kadanna datu lako tau iato mai: Da mibali lenni.

PA’PUDIAN 39:2

Nakua kadangku: La makaritutuna’ lan mintu’ lalanku, da angku pogau’ kasalan natumang lilaku; la kusanga’ tu pudukku, ke sitingayopa’ to tang mekaaluk.

2 DATU 6:30

Iatonna rangimi datu tu mintu’ kadanna te baine, naserek-serekmi tu pakeanna; na iatonna lendu’ dao benteng tembo’, natiromi to buda kumua iatu datu ma’pakean karoro’mo.

2 DATU 5:7

Iatonna mangkamo datu to Israel umbasai tu sura’, nase’bu-se’bumi tu tamangkalena, anna ma’kada nakua: Puang Matuara’kate, angku ma’dinra ma’pamate sia ma’patuo, na urunganni te tau iate umparampo kada lako kaleku, kumua la umpamondona’ golenna misa’ tau? Tiromi, manassamo kumua undaka’mo posanga la ungkadakeina’.

1 DATU 21:27

Iatonna rangimi Ahab tu mintu’ kada iate, nase’bu-se’bumi tu tamangkalena, anna potamangkale karoro’, sia ma’puasa; ondongpi umbambangan kalena mennammu’ karoro’ sia napela’-pela’ lumingka.

2 SAMUEL 3:31

Ma’kadami Daud lako Yoab sia lako mintu’ to nasikandappiran, nakua: Serekki tu pakeammi sia ma’pakean karoro’komi sia lumingkakomi dolo umbatingi batang rabukna Abner. Sia datu Daud kalena duka undi unturu’i tu bulleanna.

2 SAMUEL 1:11

Attu iato natoemi Daud tu pakeanna, naserek-serekki; susi dukato tu mintu’ tau nasolan.

KADADIAN 44:34

Belanna umba la kukua sule langngan ambe’ku, ke pa’dei te to mangura kusolan? Kutiroi manii tu kamasussan urrampoi ambe’ku.

KADADIAN 44:18

Saemi tu Yehuda umpetireke’i Yusuf nama’kada nakua: O puangku, simanna’ la umpokada sangbuku kada narangii talingammi, sia da nare’dek tu ara’mi lako kaunanmi, belanna samammi bangsia Firaun.

KADADIAN 37:34

Naserekmi Yakub tu tamangkalena, anna pododo karoro’ sia ma’barata ba’tu pirang-pirang allo diona tu anakna.

KADADIAN 37:29

Iatonna sulemo tu Ruben lako to’ bubun, natiroi, a’a ta’demo tu Yusuf diong bubun, naserek-serekmi tu pakeanna.

PENGGAURANNA RASULU’ 9:39

Ke’de’mi tu Petrus namale sola. Iatonna rampo nasolammi tau tama bilik tiangka’ langnganna. Mintu’na baine balu sae ke’de’ umpentirondongi, natumangi’ sia napa’pekitanan tu mai bayu sia dodo nagaragai Dorkas tonna sisolapa.

YEREMIA 36:24

Tae’ duka natiramban tu penaanna tau iato mai sia tae’ duka naserek-serekki tu pakeanna la datu la mintu’ to mase’ponna, tonna rangii tu mintu’ kada iato.

AYUB 2:13

Unno’ko’mi tu tau iato mai dio padang sola, pitung allo pitung bongi; moi misa’ tau tae’ umpokada sangbuku kada lako kalena, belanna natiro kumua lendu’ tongan kapuana tu kamapa’diran urrampoi.

TOMANGADA’ 3:6

Den tu attu dinii mandaka’ sia den tu attu dinii ma’pa’dean, den tu attu dinii manganna sia den tu attu dinii massuale.

1 SAMUEL 10:16

Mebalimi tu Saul lako pa’amberanna, nakua: Ta’pa napokadangkanni, kumua: Iatu keledai diappa’mo. Apa iatu diona kadatuan tu napokada Samuel, tae’ napokadanni.

2 DATU 18:36

Apa kappa bang tu to buda sia tae’ napebalii moi sangbuku kada, belanna napa’parentan datu kumua: Da mibali lenni.