TOMANGADA’ 3:6 - Sura' Madatu

⁶ Den tu attu dinii mandaka’ sia den tu attu dinii ma’pa’dean, den tu attu dinii manganna sia den tu attu dinii massuale.

TOMANGADA’ 3:6 Referans Kwoze

PENGGAURANNA RASULU’ 27:19

sia iatonna ma’duang bongian to, kami kalenami untibei pira tu parea kappala’.

PENGGAURANNA RASULU’ 27:38

Iatonna dia’mo tu tau, dipembuangammi rokko tasik tu gandung kumua naunnayang tu kappala’.

MATIUS 19:29

Sia minda-minda tu untampemo banuanna, ba’tu siulu’na muane ba’tu siulu’na baine, ba’tu ambe’na ba’tu indo’na ba’tu anakna, batu pa’lakna tu belanna sangangKu, iamo la ungkabu’tui pessaratu’ manglokkon, sia umpomana’ katuoan tontong sae lakona.

TOMANGADA’ 11:1

Tibemi tu rotimmu rokko to’ uai, belanna la muappa’ sule, ke ba’tu pirang-pirang allomi lendu’na.

PA’PUDIAN 112:9

Tibungka’mo pala’ mamasena sia mamengan lako to mase-mase, iatu kamaloloanna tontong sae lakona, sia salobo’-lobo’na tu tandukna mala’bi’.

2 DATU 5:26

Apa nakua tu Elisa lako: Tae’raka naula’ko penaangku, tonna messaile tu tau sia mengkalao dao mai karetana untammuiko. Attu iarakate tu sipatu dinii unnala salaka iato, ba’tu unnala pakean, ba’tu garonto’ saitun sia pa’lak anggoro’ sia domba sia sapi sia kaunan muane sia kaunan baine?

YUNUS 1:5

Mataku’mi tu mintu’ to ma’kappala’ sia pantan metamba lako deatanna, sia iatu apa nabaa kappala’ napembuangammo rokko tasik la umpamaringanni tu kappala’. Apa iatu Yunus mengkalaomo rokko sulluk kappala’, anna bambangan kalena diong sia leppeng mamma’.

YESAYA 2:20

Allo ia dukato iatu mai tau la untibe mintu’ rapang-rapang dipodeata salaka sia bulaan tu nagaraga la napenombai, nabuangan balao sola ledo.

2 DATU 8:9

Malemi tu Hazael umpessitammui, naalami tu ianan ballo dio mai Damsyik la napa’kamasean, napateke’i tu unta patangpulo. Rampomi umpennoloi Elisa, nakuami: Iate aku te, nasuana’ anakmi, Benhadad, datu to Aram, sae lako kalemi umpekutananni, nakua: La matana siapara’ka dio mai te saki iate?

2 DATU 7:15

Narundu’mi sae lako Yordan, belanna mintu’ tu lalan nanii ponno pakean sia parea pa’buno, tu napentibean bangmo to Aram tonna tiramban anna mallai sule. Sulemi tu to disua umparampoi tu apa iato lako datu.

KADADIAN 31:18

Sia nabaa tu mintu’ patuoanna sia barang apanna, tu napabu’tumo, iamotu patuoan napoapamo, tu napabu’tumo dio Padan-Aram, la male lako Ishak, ambe’na, lako tondok Kanaan.

TOMANGADA’ 3:5

Den tu attu dinii untibean batu sia den tu attu dinii urrampun batu, den tu attu dinii mangraka’ sia den tu attu dinii umpatoyang kale dio mai mangraka’.

TOMANGADA’ 3:7

Den tu attu dinii masserek sia den tu attu dinii mandasi’, den tu attu dinii ma’pakappa sia den tu attu dinii ma’ulelean.