TOMANGADA’ 2:10 - Sura' Madatu

¹⁰ Moi misa’ apa tu nakamorai matangku tae’ kusakkalanganni, sia tae’ kudampai tu penaangku dio mai kaparannuan moi misa’ duka, ondongpi iatu penaangku umpoparannu mintu’ sara’ku, na iatu mintu’nato iamo bunga rangka’ku.

TOMANGADA’ 2:10 Referans Kwoze

TOMANGADA’ 9:9

La muperasai tu melona lan katuoan sola tu baine mukamali’, lan mintu’ allo katuoammu tu tae’ gai’na, tu Nakamaseangko Puang Matua lan naarrang matanna allo, iamotu mintu’ allomu tae’ gai’na, belanna iamoto tu taamu dio lu to tuo sia lan sara’mu, tu munii mara’ta’ lan naarrang matanna allo.

TOMANGADA’ 5:18

Susi dukato minda-minda tu Nakamasei Puang Matua kasugiran sia ianan buda sia Naelorampa la ungkandei to sia la unnalai tu taana, sia la umposende ra’ta’na – iatu iannato misa’ pa’kamaseNa Puang Matua.

TOMANGADA’ 3:22

Iamoto kutandaimo kumua tae’ ia losong melona, sangadinna iatu tolino umposende mintu’ pengkaranganna, belanna iamoto tu taana belanna mindara la umpatunduk tolino la umpoparannui tu apa la dadi, ke matemi.

PA’PUDIAN 119:37

Patipero’i tu matangku, da anna ta’pai tu mai apa tang kebattuan. Sia patuona’ diona lalanMi.

PA’PUDIAN 128:2

Belanna la ungkandeko lolo rangka’mu; la maupa’ko, ondongpi la salama’ko.

1 YOHANES 2:16

Belanna mintu’na tu lan lino, iamotu kamailuan pa’kalean, kamailuan mata, sia kasolleran, tae’ nalu dio mai Ambe’, sangadinna lu dio mai lino.

TOMANGADA’ 2:22

Apara poleanna tu tau diona mintu’ sara’na sia mintu’ apa naanga’ penaanna, tu nakara’ta’i lan naarrang matanna allo.

TOMANGADA’ 11:9

Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

TOMANGADA’ 6:9

Melo iatu patiro mata na iatu kamailuan, tu tontong male ma’duttu’. Ia duka tu apa iato tae’ gai’na sia susito unnula’ angin.

SARAMBU PEADA’ 23:5

Iake mupenunui, simpolo pa’de, belanna ta’pa unggaragan kalena pani’, susito langkan maega mettia’ langngan langi’.

AYUB 31:1

Siallu’mo matangku, umbara kukua umpenniroi misa’ anak dara?

TO PARENGNGE’ 14:2

Sulemi umpokadai lako ambe’na sia indo’na, nakua: Mangkamo’ untiro misa’ baine dio Timna, misa’ pia baine to Filistin; melo totemo, ke malekomi umpalakuanna’, angku pobainei.

KADADIAN 6:2

natiromi anak Puang Matua tu baine bati’ tolino, kumua melo tu pantarisanna, anna pobainei minda-minda tu naala penaanna.

KADADIAN 3:6

Natiromi tinde baine, kumua melo la dikande tu bua kayu iato sia dipora’dik untiroi, ondongpi iamo misa’ kayu sipatu dikaduangi la umpabu’tu kamanarangan, naalami tu buanna nakandei sia naben duka muanena, anna kandei sola.

TOMANGADA’ 5:10

Iake kerangnganni tu ianan, inde dukato nanii kerangngan tu to ungkandei; sia apara upa’na tu to unnampui, sangadiri natirona manna mata?

TOMANGADA’ 6:2

iamotu tau Naben Puang Matua kasugiran, ianan buda sia kapaan, naurungan moi misa’ tae’ kurang tu mintu’ apa nakamorai, apa tae’ Naeloranni Puang Matua la umperasai melona, sangadinna to senga’ pura ungkandei. Iatu apa iato tae’ gai’na sia umpa’dikki tongan penaa.

TOMANGADA’ 9:6

Susimoto tu kamamaliranna sia kasikabirisanna sia kamangimburuanna masaimo pa’de; sia tae’mo apa napotaa sae lakona tu mintu’na dadi lan naarrang matanna allo.

TOMANGADA’ 2:1

Ma’kadamo’ lako kaleku kukua: Totemo la kupatobaiko kaparannuan, iamoto popaimanni tu kameloan. Apa manassa tae’ duka gai’na tu iannato.

TOMANGADA’ 2:24

Iatu tolino tae’ kuasanna la kumande sia mangiru’ sia la napomanaman tu diona bunga rangka’na; iate iannate kukanassaimo kumua lu dio mai limanNa Puang Matua.

TOMANGADA’ 5:17

Manassa inde sia tu kutiro melo, iamotu sipatu, ke kumandei sia mangiru’i tu tau sia umperasai melona diona mintu’na ra’ta’na tu nanii mara’ta’ lan naarrang matanna allo, lan sangattu’ allo katuoanna, tu Nakamaseanni Puang Matua, belanna iamoto tu taana.

TOMANGADA’ 8:15

Iamoto kupudii tu kaparannuan, belanna tae’ ia misa’ tu mandu melo lako tolino lan naarrang matanna allo na iatu kumande sia mangiru’ sia sende; anna sikambi’mora tu iannato umposara’ mintu’ sara’na lan allo katuoanna, tu Nakamaseanni Puang Matua lan naarrang matanna allo.