TOMANGADA’ 12:2 - Sura' Madatu

² Iake tae’pi mata allo sia arrang sia bulan sia mintu’ bintoen la malillin, sia iatu salebu’ sae sule, ke mangkai uran.

TOMANGADA’ 12:2 Referans Kwoze

YESAYA 5:30

La narua angnga’ tu tau iato mai susito mongngo’na tasik; allo iato pittuk liu tu padang, iake mentiroi tu tau tiku lao kuli’na padang, kapittukan megiangan manna nata’pai matanna sia iatu arrang langi’ napapittuk saliu’.

1 SAMUEL 4:18

Iatonna uleleanmi tu diona pattinNa Puang Matua, songkami tu Eli dao mai kaderana tungara dio sa’de babangan tondok, nalesok pasallona, anna mate, belanna matuamo, sia to malompo; patangpulo taunna urrengnge’ to Israel.

1 SAMUEL 4:15

Iatu Eli kaseramo pulona ngkarua taunna dadinna sia maraunmo tu matanna, tae’mo napatiro.

PA’PUDIAN 77:16

Tete dio lima matoto’Mi amMi lendokanni tu taumMi, Iamotu bati’na Yakub sola bati’na Yusuf. Sela

PA’PUDIAN 71:20

Kamumo tu mangka umpatiroina’ buda kamandasan sia kamaparrisan, Kamu duka sia la umpatuona’, sia la unnendekanna’ sule diong mai mangapi’na tana.

PA’PUDIAN 42:7

O Kapenombangku, ma’dosso-dosso tu deatangku lan kaleku, iamoto angku kilalaiKomi dio mai padang Yordan sia dio mai buntu Hermon, sia dao mai buntu Mizar.

1 SAMUEL 3:2

Den pissan to attu iato tonna mamma’ tu Eli dao inan kamammaranna, na attu iato randuk dukamo maraun tu matanna Eli, tang mano’ramo pentirona.

KADADIAN 48:10

Iatu matanna Israel patomali maraunmo belanna kamatuanna, naurunganni tae’mo namano’ra. Napopentireke’mi lako sola duai anna udungi sia naraka’.

KADADIAN 27:1

Den pissan tonna matuamo tu Ishak sia maraunmo, anna tang pakitamo, natambaimi tu Esau, anak pa’bunga’na, anna kuanni nakua: E anakku! Mebalimi nakua: Inde siana’.

MATIUS 24:29

Ianna lendu’ nasangmo tu kadipakario-rioan, ta’pa la dipaliun tu allo sia tae’ duka nala parrang tu bulan, sia la ronno’ tu mintu’na bintoen dao langi’, sia mintu’na kamatotoran dao langi’ la tigega’.

PA’PUDIAN 90:10

Iatu mintu’ allo katuoangki, pitungpulo taunna, iake marendengkanni karua pulona taunna; apa iatu diposattuanna to, kamasussan manna sia karossoan, bellanna madoi’ bang lendu’, angki pa’de poton.

YESAYA 13:10

Belanna mintu’ bintoen dao langi’ sia bintoen ma’karupu tae’mo anna la umpatiarrang arrangna; ia duka tu allo la dipamalillin, ke dellekki sia iatu bulan tae’mo anna la umpamian arrangna.

YOËL 3:15

Iatu mata allo sia bulan la malotong sia iatu mintu’ bintoen tae’ napasombo arrangna.