TOMANGADA’ 11:5 - Sura' Madatu

⁵ Susitu iko tae’ mutandai tu lalanna angin sia umba nakua tu bukunna pia lan pa’tambukanna misa’ baine ma’tambuk, susi dukamoto tae’ muissanni tu penggauranNa Puang Matua, tu ungkombong mintu’na.

TOMANGADA’ 11:5 Referans Kwoze

YOHANES 3:8

Iatu angin umba-umba ia nanii mangiri’ tu naporainna, na mirangi sia tu mongngo’na, apa tae’ miissanni umba nanii sae sia umba naola. Tenmoto tu mintu’nato dadi lu dio mai tu Penaa.

PA’PUDIAN 92:5

Belanna Mipasendemo’ penggauramMi, o PUANG, sia mela’tekna’ diona mintu’ lalan limamMi.

TOMANGADA’ 8:17

attu ia dukato kutiro tu mintu’ pengkaranganNa Puang Matua, tae’ nalambi’ tangnga’na tolino, iamotu mintu’ penggauran lan naarrang matanna allo; belanna moi umba nakua mara’ta’ tu tolino undaka’i, tae’ duka nalambi’i, ondongpi moi anna ma’kada tu misa’ to kinaa, kumua naissanni, tae’ duka nalambi’i tangnga’na.

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

YESAYA 40:28

Tae’raka ammu issanni, tae’paraka ammu rangii, kumua iatu PUANG, Iamo Kapenomban matontongan, To kumombongna mintu’ randan langi’. Tang mekaboyo’ sia tang mekata’ka’, tang dilambi’ tu kamanaranganNa.

PA’PUDIAN 104:24

Tumba ia budanna tu mintu’ penggauramMi, o PUANG! Kamumo tu mangka ungkombong nasangi to tete dio kamatarrusamMi; anna ponnoi pa’padadimMi tu lino.

TOMANGADA’ 7:24

Mintu’ apa den tang dilambi’ dirundunan, sia tang dilambi’ disandak, mindara ma’din untarru’i?

PA’PUDIAN 40:5

Maupa’ tu to umpassare kapa’rannuananna lako PUANG, sia to tang undampangngi tu to ma’patiramban, sia to sepang lako kamo’rangan.

AYUB 38:4

Umbara munii tongKu parandanganni te lino? Pokadaikae, ke denni inaammu!

AYUB 37:23

Iatu Puang umpoissan angge maritik tu tae’ tatandai, kapua kamatotoranNa sia kamalamburanNa; tu liu kamaloloanNa, tang umpakelok malolona.

AYUB 5:9

Umpogau’mo penggauran kapua, tu tang dilambi’na, sia apa memangngan tu tang dikemba’ diia’.

TOMANGADA’ 1:6

Iatu angin mangiri’ ma’palusau’, namane tibalik ma’palurekke, natontong male mengguririk, nasuleo dio pengguririkanna.

TOMANGADA’ 1:13

sia kupapatuimo penaangku la untuntun tonganni sia umparessai tu kakinaan lan mintu’ apa dadi nasambo langi’. Iamoto tu misa’ pengkarangan masussa Nasorong Puang Matua lako ma’rupa tau kumua anna mara’ta’ ungkarangi.

TOMANGADA’ 3:10

Kupemarangamo tu pengkarangan Nasorong Puang Matua lako mintu’ ma’rupa tau kumua anna mara’ta’ ungkarangi.

TOMANGADA’ 3:11

Mangkamo Napadadi melo tu mintu’na lan attunna sia Napatama duka lan penaanna tolino tu pa’tangngaran diona apa situran-turan tempon dio mai, apa moi misa’ tae’ natandai tolino tu diona pengkarangan Nakarang Puang Matua dio mai pamulanna sae lako ma’katampakanna.

TOMANGADA’ 11:4

Minda-minda tu umpenandai bang angin, tae’ nala mangambo’, sia minda-minda untiro bang gaun, tae’ nala megandung.