TOMANGADA’ 11:3 - Sura' Madatu

³ Ianna maru’gun tu gaun, umbanasami tu uran kamban tama lino; sia ianna songka tu batang kayu lu sau’ ba’tu lu rekke, iatu nanii songka, inde dukato nanii sumpandan.

TOMANGADA’ 11:3 Referans Kwoze

1 YOHANES 3:17

Apa minda-minda unnampui ianan lino, anna tiroi tu siulu’na kapu’duran, naka’pananni ma’mata to buta tu siulu’ iato, maka umbamo la nakua tu pa’kaboro’Na Puang Matua torro lan kalena?

LUKAS 13:7

Nakuami lako to ma’kampa pa’lak: Tiromi, totemo tallung taunmo’ sidanu’-danu’, sae undaka’i buanna te ara, tae’ bang kuala; lellengi, apara bua’na umbalumbun indete?

1 DATU 18:45

Pakalan lan sangpekkappidian matari namalotongmo tu langi’, nakabu’ salebu’ sia angin, nasae tu uran kamban tongan. Na iatu Ahab malemo ma’kareta lako Yizreel.

MATIUS 3:10

Nakampai bangmo uase tu garonto’ kayu; iamoto umba tu kayu tang membua melo, la dilelleng na dibuang tama api.

TOMANGADA’ 11:2

Taa pitui, ondongpi taa karuai tu iannato belanna tae’ muissanni kamandasan apara la urrampoi te lino.

TOMANGADA’ 11:4

Minda-minda tu umpenandai bang angin, tae’ nala mangambo’, sia minda-minda untiro bang gaun, tae’ nala megandung.