TOMANGADA’ 10:3 - Sura' Madatu

³ Umba-umba naola tu tobaga, tae’ tu tangnga’ melona sia iatu kadanna umpamanassai lako mintu’ tau, kumua tobaga ia.

TOMANGADA’ 10:3 Referans Kwoze

SARAMBU PEADA’ 18:2

Iatu to baga tae’ naporai pa’inaan melo, sangadinna naporai bang untale’ apa diong penaanna.

SARAMBU PEADA’ 13:16

Minda-minda tu matarru’, umpogau’ mintu’ apa sikambi’ pa’timbangan, apa iatu to baga umpasombo kabaganna.

1 PETRUS 4:4

Lan tu iannato mangnga untangnga’komi, kumua tae’ ammi turu’ sisola tau iato mai rokko liku tang penggauran ia dukato, naurunganni umpalele bekokomi;

TOMANGADA’ 5:3

Iake mangallonanko lako Puang Matua, da mudampa-dampai umpalesso’i, belanna tae’ naalai penaanNa tu to baga, iamoto palesso’i tu apa mangka muallonan.

SARAMBU PEADA’ 18:6

Iatu pudukna to baga umpaden kasigagan, sia iatu sadangna umpetamban kadibamban.