TOMANGADA’ 10:16 - Sura' Madatu

¹⁶ Upu’ allona tu tondok, ke piapi tu datunna sia iatu mai arungna, ke melambi’pi narandukmo kumande sia mangiru’.

TOMANGADA’ 10:16 Referans Kwoze

YESAYA 3:12

Iatu taungKu naparenta pia’-pia’ sia napatunduk baine. E mintu’ taungKu napapusakomi panglalanmi sia nabutai tu lalan sipatu la miola.

YEREMIA 21:12

Nakua PUANG: Madomi’komi umpaolai salunna sia rampananni tu to dirampa apanna lan mai limanna to ma’pakario-rio, da namendelok tu kare’dekangKu susi api sia dukku naurungan moi misa’ tau tae’ nakulle umpa’deanni, napobua’ kakadakeanna mintu’ penggaurammi.

2 OSSORANNA DATU 13:7

Sirampunmi dio tu ba’tu pira-pira to tae’ gai’na sia to bulituk, tu ussau’ Rehabeam, anakna Salomo, tonna mangurapa tu Rehabeam sia malamma’pa penaanna, naurungan tang nakullepa unneai tu tau iato mai.

2 OSSORANNA DATU 36:9

Iatu Yoyakhin sangpulo karuamo taunna tonna dadi datu, anna ma’parenta tallung bulan sangpulo allona dio Yerusalem. Napogau’mi tu apa kadake dio pentiroNa PUANG.

2 OSSORANNA DATU 36:5

Iatu Yoyakim duangpulomo llima taunna, tonna dadi datu, anna ma’parenta sangpulo misa taunna dio Yerusalem. Napogau’mi tu apa kadake dio pentiroNa PUANG, Kapenombanna.

2 OSSORANNA DATU 36:2

Iatu Yoahas duangpulomo antallu taunna, tonna dadi datu, anna ma’parenta tallung bulan dio Yerusalem.

2 OSSORANNA DATU 36:11

Iatu Zedekia duangpulomo mmisa taunna tonna dadi datu, anna ma’parenta sangpulo misa taunna dio Yerusalem.

SARAMBU PEADA’ 28:16

Iatu misa’ datu tang palambi’ pa’inaanna, umpakario-rio tongan tau, apa minda-minda ungkabiri’ saro bu’tu kadake iamo umpamalambe’ sunga’na.

TOMANGADA’ 10:15

Iatu kamara’takanna tobaga umpamata’ka’ tonganni, belanna tae’ natandai tu lalan ma’palutama kota.

1 DATU 12:11

Iake susinna napamatana’i ambe’ku tu pamaammi, apa aku la kupamatanna’ pissan tu pamaammi; iake mangkakomi napa’dikki pebamba ambe’ku, apa iatu aku la umpa’dikkikomi pebamba ma’duri bassi.