TOMANGADA’ 10:14 - Sura' Madatu

¹⁴ Sia ia duka tu tobaga umpabuda kadanna – apa iatu tolino tae’ natandai tu apa la dadi, anna iatu apa la dadi undinna, mindara la umpaissanni?

TOMANGADA’ 10:14 Referans Kwoze

SARAMBU PEADA’ 15:2

Iatu lila to kinaa, umpaombo’ kapaissanan den gai’na, apa iatu pudukna to baga umbarrakan kabagan.

TOMANGADA’ 8:7

Apa moi misa’ tau tae’ natandai tu apa la dadi; belanna mindara la umpokadanni, umba nakua tu lalanna.

TOMANGADA’ 6:12

Mindara untandai tu apa napomelona tolino lan katuoan iate, lan allo katuoan sangattu’ na, tu tae’ gai’na, tu tuo lan sangattu’ sangtinti bayo-bayo? Belanna mindara ma’din la umpokadanni tolino tu apa la dadi undinna lako kalena lan naarrang matanna allo?

TOMANGADA’ 5:3

Iake mangallonanko lako Puang Matua, da mudampa-dampai umpalesso’i, belanna tae’ naalai penaanNa tu to baga, iamoto palesso’i tu apa mangka muallonan.

TOMANGADA’ 3:22

Iamoto kutandaimo kumua tae’ ia losong melona, sangadinna iatu tolino umposende mintu’ pengkaranganna, belanna iamoto tu taana belanna mindara la umpatunduk tolino la umpoparannui tu apa la dadi, ke matemi.

SARAMBU PEADA’ 10:19

Lan kabudanna kada dipokada tae’ natang den tu sala, apa minda-minda unta’tan lilana, iamo misa’ to unnampui tangnga’ melo.

AYUB 35:16

iamoto nama’kada layuk tu Ayub umpokada kada tang kebattuan sia ma’kada tang paissan umpebudai kadanna.

AYUB 34:37

Belanna iatu kasalanna naranganni pole’ kapatodo-tintingan, iamotu massala’pa dio tingayoki sia ungkada layukki Puang Matua.

TOMANGADA’ 7:14

La paiman penaammu lan attu kamauparan, apa kilalai dukai lan allo kamasussan, kumua pada Napadadi Puang Matua tu iannato; belanna moi misa’ apa tae’ nalambi’i natandai tau tu apa la dadi undinna.

TOMANGADA’ 9:1

Tonganna, mintu’na te kupalan nasangmo penaangku sia kuparessa nasang, kumua mintu’ to malambu’ sia to kinaa sia mintu’ pengkaranganna lan nasang limanNa Puang Matua, susi dukato tu kamamaliran sia kasikabirisan; tae’ apa natandai tolino tu diona apa natingayona lako.

TOMANGADA’ 10:15

Iatu kamara’takanna tobaga umpamata’ka’ tonganni, belanna tae’ natandai tu lalan ma’palutama kota.

YEHEZKIEL 35:13

Inang tang mulapinamMo’ puduk sia buda kada kapua mukuanNa’. Kurangi nasang sia tu iannato.