TOMANGADA’ 10:12 - Sura' Madatu

¹² Iatu kada tassu’ dio mai pudukna to kinaa iamo umpabu’tuanni kamasokanan, apa iatu lilana tobaga unnampello’ kalena tu tobaga iato.

TOMANGADA’ 10:12 Referans Kwoze

KOLOSE 4:6

La mammi’ bang tu buangan kadammi butung to disiai, ammi issanni umba la mikua umpebalii simisa’-misa’i tu tau.

LUKAS 4:22

Natonganan nasangmi tau tu kadanNa sia napomangnga tu kada sun dio pudukNa umpabu’tu kapaimanan, nakuami tu tau: tang anaknaraka Yusuf te?

SARAMBU PEADA’ 22:11

Minda-minda ungkabudai ma’penaa masero sia minda-minda ma’puduk masokan, naposangmane datu:

SARAMBU PEADA’ 15:2

Iatu lila to kinaa, umpaombo’ kapaissanan den gai’na, apa iatu pudukna to baga umbarrakan kabagan.

EFESUS 4:29

Da mipasunni dio pudukmi tu kada dipomasiri’, sangadinna iari tu melona tu la napomatoto’na kapatonganan, tu denna patunna, anna pasaeanni pa’kamasean tu to urrangii.

LUKAS 19:22

Nakuami tu puangna lako: E kaunan kadake, la kuparundu’i ukungammu tu sunna dio pudukmu! Muissanmo kumua aku te to makarra’ penaangku, unnala bangna’ tang pangannaku, umpeburai bangna’ tang pantananku.

MATIUS 12:35

Iatu to melo penaanna umpasun siami melona dio mai anggenna melona lan lu batu ba’tangna; na iatu to kadake penaanna umpasun siami kadakena dio mai anggenna kadakena lan lu batu ba’tangna.

SARAMBU PEADA’ 31:26

Situang kakinaan, ke tiku’bi’i tu pudukna, masokan tu pa’pangada’ dara’ lengko lilana.

SARAMBU PEADA’ 26:9

Susitu duri untossok limanna to malango, susi dukato tu kada peada’ sun dipudukna tobaga.

SARAMBU PEADA’ 19:5

Misa’ sa’bi tang tongan tae’ nala tang diukung, sia minda-minda umpenaan buttok tae’ nala tilendok len.

SARAMBU PEADA’ 15:23

Iatu misa’ tau napoparannu, ke sipatunna napebalian, sia mandu melo tu sangbuku kada, ke attunna dipokada!

SARAMBU PEADA’ 12:18

Iatu tau ma’kada punala bang, patossok susi tobok, tu kadanna, apa iatu pudukna to kinaa umpaden kamatanan.

SARAMBU PEADA’ 10:10

Minda-minda tu ma’kidi’-kidi’ mata, la umpabu’tu kamasussan, sia minda-minda tu ma’kada baga, la sanggang.

SARAMBU PEADA’ 10:8

Minda-minda tu ma’penaa kinaa la untarima pepasan, apa minda-minda tu ma’kada baga, la sanggang.

PA’PUDIAN 140:9

O PUANG, da Mipalolo’i tu pa’poraianna to tang mekaaluk, sia da Mipadanunni tu kasiturusan kadakena, da anna madongnga’. Sela

PA’PUDIAN 64:8

Apa Natinaranni Puang Matua tu tau iato mai, anNa ta’pa umbangkei.

PA’PUDIAN 37:30

Iatu randan pudukna ussa’bu’ kada kinaa, sia tongka’ dililana unggente’ kada unturu’ katonganan.

AYUB 16:5

Pudukku la umpabatta’ penaammi sia pa’pakatanangku la umpamaringankomi.

2 SAMUEL 1:16

Nakuami Daud lako: Iatu raramu ma’indo’ dio iko kalemu, belanna pudukmu kalena ussa’biiko, nakua: umpateina’ to Natokko PUANG.

TOMANGADA’ 4:5

Iatu to baga ma’koko kalepak sia ungkande duku’ kalena.

TOMANGADA’ 9:17

Iatu kadanna to kinaa, ke naperangii tau situang karapasan mandu melo anna pelallak-lallakna to ma’parenta dio lu to baga.

TOMANGADA’ 12:11

Iatu kadanna to kinaa susito panusuk; iatu pa’pulung kadanna susito petangki’ manda’ dilammak; mintu’nato nakamaseanni tu to mangkambi’ misa’ri.

TOMANGADA’ 5:2

Belanna susito tindo dadi, belanna kabudanna sara’, susi dukato tu kada kabagan diona kabudanna ulelean.

TOMANGADA’ 5:6

Belanna susitu kabudanna tindo, susi duka tu to kabudanna kada tang kebattuan; apa la mukataku’ tu Puang Matua.