TOMANGADA’ 1:8 - Sura' Madatu

⁸ Iatu mintu’na apa mepamata’ka’, tang dikemba’ disa’bu’; iatu mata tang namoso mentiro sia iatu talinga tang naponnoi pa’peranginna.

TOMANGADA’ 1:8 Referans Kwoze

SARAMBU PEADA’ 27:20

Iatu lino tomate sia bambana mukkun tae’ bang la mosona, susi dukamo tang mosona tu matanna tau.

MATIUS 11:28

Malekomi mai, e kamu mintu’ boyo’na sia dipapassanni magasanna, Akumote tu la umbenkomi kapelayoan.

TOMANGADA’ 4:8

iamotu misa’ tau tae’ solana, moi anakna ba’tu siulu’na tae’ duka, apa moi susito tae’ duka upu’na tu mintu’ sara’na; sia tae’ namangingngi’ tu matanna untiroi tu mintu’ kasugiranna; – mindara la umpomaupa’i angku mara’ta’ bangra sia tang unneloran kaleku umperasai tu melona? Ia duka tu iannato tae’ gai’na sia misa’ apa kadake.

MATIUS 5:6

Maupa’ tu mintu’ to umpotangdia’ sia umpoma’rang kamaloloan, belanna tau iato la dipedia’i.

TOMANGADA’ 2:26

Belanna iatu to melo dio pentiroNa Puang Naben kakinaan, kapaissanan sia kaparannuan, apa iatu to tae’ naalai penaanNa, Napatakoi pengkarangan la mangrampun sia ma’pakombong, kumua anna sorongi lako minda-minda tu naala penaanNa Puang Matua. Ia duka tu apa iato tae’ gai’na sia susito unnula’ angin.

TOMANGADA’ 2:11

Iatongku messaile lako mintu’ panggaraga limangku, sia lako sara’ tu kunii mara’ta’ la ungkarangi tu iannato – manassa iatu mintu’nato tae’ gai’na sia susito unnula’ angin sia tae’ kamauparan lan naarrang matanna allo.

PA’PUDIAN 63:5

Susimoto angku la umpudiKomi angge tuoku, sia diona sangamMi angku la umpopempala’ limangku.

TOMANGADA’ 1:7

Iatu mintu’ salu lolong tama tasik, apa tae’ naponno len tu tasik; iatu naninna salu lolong, inde dukato nanii tontong lolong.

HAGAI 1:9

Misanga pangrekenmi la buda, apa tonganna sidi’ri, apa iatommi patamami, Kupamurru’mi tama. Ma’apai nasusito?, kadanNa PUANGna mintu’ ma’dandan maritik. Belanna bannang dio tu banuangKu, tu sanggangpa, na iatu kamu pantan umposara’komi banuammi.

TOMANGADA’ 6:7

Mintu’ tu sara’na tolino bannang dio rokkoan barokona, apa moi susito tang sau-saupa tu kamailuanna.