TOMANGADA’ 1:16 - Sura' Madatu

¹⁶ Sipa’kadamo’ kaleku kukua: Manassa kupakapuamo sia kupabudamo tu kakinaan losong na iatu mintu’ to dolo na aku tu umparenta Yerusalem; na iatu penaangku unnappa’mo kaseboanna kakinaan sia kapaissanan;

TOMANGADA’ 1:16 Referans Kwoze

TOMANGADA’ 2:9

Susimoto tu kataromposangku sia kasugirangku losong na iatu to dolo dio Yerusalem na aku; lan mintu’nato tontong bang tu kakinaangku urrondongna’.

1 DATU 4:30

naurungan iatu kakinaanna Salomo mandu kapua anna kakinaanna to dio lu rampe matallo sia mintu’ kakinaanna to Mesir.

1 DATU 10:7

Apa tae’ kupatonganni tu kada iato, tonna tae’pa kusae sia matangku kalenamo untiroi, tonganna sangsesenapa tu tae’ napokadanna’ tau, belanna la’bipa tu kakinaammi sia kamanamanammi na iatu kareba kurangi.

IBRANI 5:14

Apa iatu kande makarra’, iamo taana to matakko, tu to biasa umpatumbang tangnga’na anna belai umpasisengaran melo na kadake.

PA’PUDIAN 4:4

Apa la miissan kumua iatu PUANG mangkamo umpamarimbanganni Kalena tu misa’ to Naporai; la Natanannina’ talinga PUANG, ke meongli’na’ lako Kalena.

2 OSSORANNA DATU 2:12

Sia nakuapa tu Huram: Mintu’na kadipudian lu lako PUANG, Kapenombanna to Israel, tu mangka umpadadi langi’ sola lino, tu mangka ungkamasean datu Daud misa’ pia muane kinaa, tu diben kamanarangan sia kamatarrusan, tu la umpabendanan PUANG misa’ banua kabusungan sia nabangun tu misa’ tongkonan layukna.

DANIEL 4:30

Ma’kadami tu datu nakua: Tangiaraka te tu Babel kapua, tu kubangun dipoisungan kadatuan tete dio kakapuanna kuasangku, dikua anna dipakala’bi’ tu kapayungangku.

YEREMIA 22:14

Tu ma’kada nakua: La umbangunanna’ kaleku misa’ banua kapua sia bilik malona’ tiangka’ langnganna; sia nagaragan pentiroanna tu banua iato sia nalapik kayu arasi’, anna paradai parada mararang.

PA’PUDIAN 77:6

Kukilalaimi tu attu mangka diboko’, sia mintu’ taun malaunmo.

2 DATU 5:20

ma’tangnga’mi tu Gehazi, taunna Elisa, taunNa Puang Matua: Nakatirinnai puangku tu Naaman, to Aram iate, natae’ naalai tu apa-apa nabaa! La lelukraka tuoNa PUANG, inang la ma’dondona’ unnula’i, angku alai tu apa dio mai kalena.

1 DATU 5:9

Mintu’ taungku la umbaai dao mai Libanon rokko tasik, angku a’ga raki’i lan tasik, sia kusombaranni lako inan tu la mipamanassanna’, anna dibukai inde to dio, ammi ma’din unnalai. Apa iatu kamu la minturu’ tu palakungku, iamotu la miben kande tu to lan tongkonan layukku.

TOMANGADA’ 2:1

Ma’kadamo’ lako kaleku kukua: Totemo la kupatobaiko kaparannuan, iamoto popaimanni tu kameloan. Apa manassa tae’ duka gai’na tu iannato.

TOMANGADA’ 2:15

Sipa’kadamo’ kaleku kukua: Iatu apa urrampoi to baga, narampoi dukana’: Apara gai’na angku tarru’ kinaa? Iamoto kusipa’kada kaleku kukua! Ia duka tu apa iato tae’ gai’na.

TOMANGADA’ 3:17

Sipa’kadamo’ kaleku kukua: Puang Matua la umpaolai salu to malambu’ sia to tang malambu’, belanna iatu mintu’ apa sia mintu’ pengkarangan pantan den attunna.