TOMANGADA’ 1:15 - Sura' Madatu

¹⁵ Iatu apa kelok tae’ nakullei malolo, sia iatu apa kurang tang dikemba’ diia’.

TOMANGADA’ 1:15 Referans Kwoze

YESAYA 40:4

Mintu’ lombok la dibumbun sia mintu’ buntu sia buttu-buttu la dirantei sia iatu mai batu ma’pongko’-pongko’ la mempadang marante.

TOMANGADA’ 3:14

Kutandaimo, kumua iatu mintu’ pengkaranganNa Puang Matua, matontongan; tae’ tau ma’din urrangnganni ba’tu unnalai; sia Napogau’ Puang Matua tu iannato, kumua anna mataku’ tu tau dio oloNa.

MATIUS 6:27

Mindarokomi kamu ke miposelangi ma’din umpamalambe’ sunga’mi sidi’ duka?

BATING 3:37

Mindara tu ma’kada manna nakombongmo? Ke tae’i anNa Puang umpasanni?

AYUB 34:29

Iake ma’pakappai tu Puang, mindara la ma’pasala? Sia iake Nabunianni lindoNa tu misa’ tau, mindara la untiroi – la pada-pada tu misa’ bangsa ba’tu misa’ tau –

AYUB 11:6

sia umpaissanniko rasia kakinaan, belanna umpopanglokkon penduan kapaissanan. Mumane mangaku kumua iatu Puang Matua tae’mo Nakilalai tu sangtaan kakelokammu, tu la mupomatananna.

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

TOMANGADA’ 7:25

Kupapatui penaa tu iannato sia naparinaamo penaangku la unnappa’ kapaissanan, la ma’paressa sia la undaka’i tu pa’rampoananna situang kakinaan sia la untandai, kumua iatu katangmekaalukan iamo kabagan sia iatu katangpaissanan iamo kapusan.

YEREMIA 13:23

Ma’dinraka tu misa’ to Etiopia ussondai kuli’na, ba’tu arimau buluh umpopembali bongana? Susi dukamoto umba la mikua umpogau’ melo, tu inang biasamokomi umpogau’ kadake?