RUT 4:1 - Sura' Madatu

¹ Attu iato malemi tu Boas lako babangan, anna unno’ko’ dio. Siappa’ attu iato lendu’mi tu to mangla’bak tu napokada Boas. Ma’kadami nakua: E sangmane, lempangko mai sattu’ ammu unno’ko’ inde te. Lempangmi anna unno’ko’ dio.

RUT 4:1 Referans Kwoze

RUT 3:12

Iate aku tongannamo aku to mangla’bak, apa denpa misa’ to mangla’bak mandu marengke’ na aku.

PA’TOLE 25:7

Apa iake manokai tu muane iato unnala ipa’na la napobaine, la male tu ipa’na lako to’ babangan umpennoloi pekaamberan sia ma’kada nakua: Manoka tu ipa’ku umpatontong sanganna siulu’na lan Israel, belanna tae’ namorai umpobainena’ unturu’ rampanan kapa’na to siipa’.

PA’TOLE 16:18

Iatu to ma’paolai salu sia mantari’ la mutappu lan mintu’ kota, tu la Nabenko PUANG, Kapenombammu, situru’ tu mai sukummu, anna palolang pangra’ta’ malambu’ lako bangsa iato.

AMOS 5:15

Kabiri’i tu kadakena, kabarii tu melona, patunannangi tu salunna lan lu babangan, den sia manii upa’ anNa katuru-turui PUANG, Kapenombanna mintu’ ma’dandan maritik, tu to tinampena Yusuf.

AYUB 31:21

iangku pata’pai lenni lima tu pia biung, belanna kutiro tu to untunduina’ lan babangan,

AYUB 29:7

Iake tassu’na’ lako to’ babangan kota, angku mesua umbaai tu isungangku lako tana lapang,

PA’TOLE 21:19

iamoto nala’ka’i ambe’na sia indo’na, nabaai lako pekaamberanna kotana, tama to’ babangan pa’tondokanna,

ZAKHARIA 2:6

Madoi’komi, madoi’komi. Mallaikomi lan mai tondok rampe daanna lu! kadanNa PUANG, belanna mangkamokomi Kupatisambo’ lako a’pa’ matanna angin, kadanNa PUANG.

YESAYA 55:1

E kamu mintu’ to ma’rang, maikomi lako to’ uai, sia e kamu to tae’ doi’na, maikomi mangalli sia kumande; maikomi, allii tu uai anggoro’ sia pangandu’ tang naolai doi’ sia tang dibaya’.

PA’TOLE 17:5

la musolan lako babangan tu muane ba’tu baine, tu umpogau’i te apa kadake, ammu leba’i batu tu muane ba’tu baine iato sae lako matena.

KADADIAN 23:10

Iatu Efron dio duka unno’ko’ sola to Het. Nabalimi Efron, to Het, narangii talinga ma’dandanna to Het sia mintu’ to tama sun lan kota iato, nakua:

KADADIAN 34:20

Saemi tu Hemor sola Sikhem, anakna lako babangan kota, anna sipa’kada pa’tondokan sola duai, nakua:

YOSUA 20:4

Ianna mallai tu tau iato lako sala umbannai tu kota iato, la torro bendan dio tingayo babangan kota, anna pa’peissananni tu a’ganna lako pekaamberanna kota iato; manassa la natarima tu tau iato tama kota, anna patiroanni inan pa’bongian, nanii torro sola.

RUT 3:18

Ma’kadami tu Naomi nakua: Kappa bangmoko ma’peagi, e anakku, sae lako muranginna, umba nakua dadinna te apa iate; belanna iatu tau iato tae’ narapa’, ke tae’pi naupu’ te apa iate lan allo ia bangsiamote.

2 SAMUEL 15:2

Melambi’oi maleoi tu Absalom nabendan dio biring lalan lu lako babangan. Mintu’ tu to la lao umbaa kara-karana lako olona datu, kumua anna dipaolai salunna, natambai Absalom anna ma’kada nakua: Umbara munii sae? Iake nakuai: Iate kaunammi lu dio mai suku iato ba’tu suku iato lan Israel,

2 OSSORANNA DATU 18:9

Pada unnisungmi dao inan kapayunganna tu datu Israel na Yosafat, datu Yehuda, umpake pakean kamala’biranna dio rante panglulluran dio salian babangan Samaria, tonna marassan tu mintu’ nabi ma’nubua’ dio olona.

PA’PUDIAN 69:12

Sia iatongku potamangkale karoro’ napoparumbasanna’ tau iato mai.

SARAMBU PEADA’ 31:23

Iatu muanena katandan dio lu babangan, ke unno’ko’i sola mintu’ pekaamberan lan tondok.

YEREMIA 32:10

Kusura’mi lan misa’ sura’ kasiallian, anna dica’ daona lu sia kualampa sa’bi la ussa’bii, angku timbangi tu sikele’ iato.

KADADIAN 19:1

Rampomi tu malaeka’ sola duai lako tondok Sodom tonna makaroen; attu iato siappa’ unno’ko’ tu Lot dio to’ babangan tondok Sodom. Iatonna tiromi Lot, ke’de’mi male umpessitammui, tukkumi rapa’ rokko padang.