RUT 2:8 - Sura' Madatu

⁸ Ma’kadami Boas lako Rut nakua: Perangii meloi, e anakku, da mumale mangruruk lako bela’ senga’ sia da duka mumallai inde te; sirondong bangmoko baine to mengkarangku.

RUT 2:8 Referans Kwoze

2 DATU 5:13

Apa attu iato saemi tu mai to mase’ponna urreke’i, anna ma’kada lako, nakua: O ambe’, ianna den misa’ apa masussa napasanangkomi tu nabi, umba mikua tang la umpogau’i? Ondong polepi totemo nakuan mannakomi: Mendio’komi ammi mondo sule?

FILIPI 4:8

Senga’mito, e sangsiulurangku, mintu’na tu tonganna, mintu’na tu mala’bi’na, mintu’na tu malambu’na, mintu’na tu masallo’na, mintu’na tu maballona, mintu’na tu melona dirangi, to ke nanii kameloan sia ke nanii kadipudian, iamoto tu la mitangnga’ lan penaammi.

MATIUS 9:22

Apa messaile tu Yesus, anNa kitai, Nakuami: E anakKu, parapa’i tu penaammu, kapatonganammumo umpatuoko. Maleke bangsiami tinde baine to attu iato.

MATIUS 9:2

Nabaami tau lako tu to kupi’ misa’, mamma’ bang diong ampa’na; belanna Natiro Yesu tu kapatongananna tinde tau, Nakuami ungkuanni tinde to kupi’: Parapa’i tu penaammu, e anakKu, dipa’deimo tu kasalammu.

1 SAMUEL 3:16

Natambaimi Eli tu Samuel, nakua: E anakku Samuel! Mebalimi nakua: Indena’!

1 SAMUEL 3:6

Natambai pole’omi PUANG tu Samuel. Millikmi tu Samuel anna male lako Eli, anna ma’kada nakua: Inde siana’, apara mitambanna’? Apa mebali tu Eli, nakua: Tae’ra kumetamba, e anakku; melo kesuleko mamma’.

RUT 2:7

Nakua ma’kada: Ma’dinra’ka urruruk sia urrampun buli dalle sisikan sikandappi’ pa’kutu’ dio lu boko’na to massasa’ dalle sisikan. Susimoto anna sae inde te sia mukkun bang randuk dio mai melambi’na sae lako totemo; iamo misa’ tau tu tae’ naunno’ko’ len dio lu banua.

RUT 2:9

Mutiromo tu bela’ dio tingayomu, tu nanii tau massasa’ dalle sisikan – undi bangmoko dio boko’na tu mai baine. Inang mangkamo kugagai tu mintu’ taungku, kumua da nasussaiko. Iake ma’rangko, maleko lako to’ busso ammu iru’i tu apa natimba tau iato mai.

SURA’ KATOMINAAN 19:9

Iake unnalakomi bura padangmi, da mipurai tu randanna, sia da mirurukki tu misalanna.