RUT 2:3 - Sura' Madatu

³ Malemi anna rampo lako bela’, narurukki tu buli dalle sisikan dio boko’na to massasa’ dalle sisikan; siappa’mi rampo lako sangtempe’ bela’na Boas, tu dio mai pa’rapuanna Elimelekh.

RUT 2:3 Referans Kwoze

2 TESALONIKA 3:12

Lako tau susito kipasan sia kipakilala tete dio Puang Yesu Kristus, namukkun mengkarang sia ungkande kandena.

LUKAS 10:31

Sirupangmi lendu’ misa’ to minaa dio lalan iato, natiroi, nasepang senga’ nalendu’i;

MATIUS 10:29

Tang misa’raka seng lompo nabalukananni tau tu dena’ da’dua? Apa moi misa’ tae’ duka natobang rokko padang, ke tangia pangeloranNa Ambe’mi.

2 DATU 8:5

Marassan naulelean lako datu tu umba nakua umpatuoi sule tu misa’ to mate, pakalan saemi tu baine, tu umpoanakki tu pia napatuo sule, la ma’parapa’ lako datu tu diona banuanna sia pa’lakna. Nakuami tu Gehazi: O puangku datu, iamora te tu baine, na iamote tu anakna, tu napatuo Elisa sule.

RUT 2:2

Ma’kadami tu Rut, to Moab, lako Naomi nakua: Melo ke malena’ lako bela’ angku ruruk buli dalle sisikan dio boko’na to ungkaturu-turuina’. Ma’kadami tu Naomi lako nakua: Malemoko, e anakku.

RUT 2:4

Ta’kala saemi tu Boas dio mai Betlehem, nama’kada lako to massasa’ dalle sisikan, nakua: Narondongmorokomi PUANG! Mebalimi tu tau iato mai lako nakua: Napamasakke-sakkemorokomi PUANG!

2 SAMUEL 1:6

Mebalimi tinde to mangura umbaa kareba iato lako, nakua: Siappa’na’ dao buntu Gilboa, ta’kala kutiroi tu Saul sissare lako dokena sia ba’tu pira-pira kareta sia pakkanarang urruku’i.

2 SAMUEL 20:1

Sirupangmi den dio tu misa’ to bulituk, disanga Seba, anakna Bikri, to Benyamin, umpannonimi napiri tanduk anna ma’kada nakua: Iatu kita tae’ tasangbilangan tu Daud, sia tae’ tasangmana’ tu anakna Isai; e to Israel pada sulemokomi lako tendami.