RUT 2:13 - Sura' Madatu

¹³ Ma’kadami tu Rut nakua: Napa’pekitanan tonganmo puangku lako kaleku tu kamaturu-turuanna, belanna mipakatanamo’ sia ma’kada melokomi lako te taummi, moi anna tae’ kupada susi misa’i tu mintu’ taummi.

RUT 2:13 Referans Kwoze

1 SAMUEL 1:18

Nakuami Hana: Podo mitontong ungkamaseina’. Mangkato malemi tu baine iato anna kumande sule sia tae’mo narondon tu lindona.

KADADIAN 34:3

La’ka’mi tu penaanna sia masinna lako anak dara iato, nasede-sedemi tu penaanna anak dara iato.

KADADIAN 33:8

Nakuami tu Esau: Apara la dipapatuanni tu mintu’ kusitammuanna ma’baanan? Mebalimi tu Yakub nakua: Iamo la umpamatana penaammi.

FILIPI 2:3

Moi misa’ da mipogau’i situru’ katuo-misan ba’tu matampo, sangadinna situru’ penaa madiongan, pantan ussanga kalena madiong anna to senga’,

2 SAMUEL 16:4

Nakuami datu lako Ziba: Mintu’na tu apanna Mefiboset, iko nasangmo umpoapai. Nakuami Ziba: tukkuna’ mengkaola lako datu; na puangkumora datu umpatiroanna’ kamaturu-turuanna.

1 SAMUEL 25:41

Ke’de’mi tu Abigail anna tukku sae rokko padang, nakua: Melo ke ia te taunna puang mendadi kaunan la umbasei lette’na taunna puangku.

KADADIAN 43:14

Na Puang Matuamora tu Umpoissan angge maritik umpamaturu-turui tu puang iato anna katuru-turuikomi, natangga’i tu siulu’mi sia Benyamin duka misolan sule! Iate aku te, iake dipasayu’na’, elo’namo angku sayu’.

KADADIAN 33:15

Nakuami tu Esau: Da’ito kupatorroangko ba’tu pira-pira te to kusolan. Nakuami Yakub: Ma’apai nasusi to! Da napomatana’i penaammi to!

KADADIAN 33:10

Mebalimi tu Yakub: Da misusi to; iake mikamaseimo’, la mikarangi te pa’kasianku; belanna iate kutirona te rupammi samangku to untiro rupanna Puang Matua apa mikatana siana’.

SARAMBU PEADA’ 15:33

Kamatakuran lako PUANG iamo pangadaran mebaa lako undoloan kadipangkeran.

TO PARENGNGE’ 19:3

Ke’de’mi tu muanena undi unnula’i la umpakatana penaanna bainena, anna solanni sule; den tu misa’ taunna nasolan sia keledai sangayoka. Nasolammi baine iato tama banuanna ambe’na. Iatonna tiromi ambe’na baine iato tu to Lewi, parannumi penaanna male untammui.

RUT 2:12

Na PUANGmora umpapakkanni lako kalemu tu penggaurammu, sia nasundunmora tu rongko’mu dio mai PUANG, Kapenombanna to Israel, tu diong pani’Na munii sae mentiongan.

RUT 2:14

Iatonna attu kakumandean ma’kadami Boas lako, nakua: Maiko inde te mukande roti sia otonni tama sukka tu apa la musuak. Unno’ko’mi tu Rut dio sa’dena to massasa’ dalle sisikan, anna tadoanni Boas pa’sara’buk, anna kandei sadia’na, sia nasesapa.

KADADIAN 32:6

Sulemi lako Yakub tu to disua nakua: Sitiromokan Esau, siulu’mi sae duka la ussitiroangkomi sia den a’pa’ratu’ muane nasolan.

HOSEA 2:16

Ondongpi, la Kupatoyang dio mai pudukna tu mintu’ sanga Baal, naurunganni tae’mo nala ussa’bu’i tau iato mai tu sanganna.