RUT 1:15 - Sura' Madatu

¹⁵ Ma’kadami tu Naomi nakua: Tiromi iatu sanglalanmu sulemo lako bangsana sia lako deatanna; sulemoko unturu’i tu sanglalanmu.

RUT 1:15 Referans Kwoze

TO PARENGNGE’ 11:24

Tae’raka mipomana’i tu apa nabenkomi Kamos, deatammi, la mipomana’? Susi dukato la kipomana’ tu mintu’ tondok tu Narambai PUANG, Kapenombangki, tu to umpa’tondokki dio mai tingayoki?

ZEFANYA 1:6

sia mintu’ tau iato mai, tu umboko’i PUANG sia tae’ nadaka’ PUANG sia tae’ nareke’ Puang la mekutana.

2 DATU 2:2

Ma’kadami tu Elia lako Elisa nakua: Torromoko inde te, belanna Nasuana’ PUANG male lako Betel. Apa mebali tu Elisa nakua: La lelukraka tuoNa PUANG sia tonganna susi tuomi, inang tae’ kula untampekomi. Malemi tu tau iato mai rokko Betel.

YOSUA 24:15

Apa iake misangai tang melo tu umpengkaolai PUANG, melo ke mipilei totemo minda tu minii mengkaola: lakoraka mintu’ deata tu napenombai nene’ to dolomi sambalinna lu Salu, lakoraka deata to Amori tu minii ma’tondok. Apa iatu aku sia to lan banuangku la mengkaolakanni lako PUANG.

1 YOHANES 2:19

Messarakmo dio mai kaleta tu tau iato mai, apa inang tangia solata, belanna iake solatai tae’ nasalai tang mari’pi ussisolangki’; apa messarak ia anna payan kumua tae’ na ia nasang solata.

IBRANI 10:38

Apa iatu to maloloKu la umpotuo kapatonganan; pa iake sorong boko’i, tae’ naalai PenaangKu.

LUKAS 24:28

Mareke’mi tinde tau lako tu tondok napatu, Naangga’-angga’i bangmi Yesu susito la tarru’ bang male.

PA’PUDIAN 125:5

Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!

PA’PUDIAN 36:3

Belanna naa’panmo ia kasalan tu penaanna, diona kaungkanassan, kumua sipatu la dikabiri’ tu kakadakeanna.

YOSUA 24:19

Apa ma’kada tu Yosua lako bangsa iato nakua: Tang miatta umpengkaolai PUANG, belanna Iamo Kapenomban sumpu masero. Iamo Kapenomban noka ditimba oloNa. Tae’ nala umpagarri’i tu kapatodo-tintingammi sia kasalammi.

RUT 1:14

Unnurruk-urruk pole’omi tumangi’ tu tau iato mai, anna udungi Orpa tu matussanna, apa iatu Rut mella’ka’ bang ia lako.

RUT 1:16

Apa mebali tu Rut nakua: Da miparukuna’ la untampekomi sia la tibalik dio mai kalemi; belanna umba-umba tu la minii male, ia duka la kunii male, sia umba-umba tu la minii ma’bongi, ia duka la kunii ma’bongi’, iatu bangsami iamo bangsaku sia iatu Kapenombammi iamo Kapenombangku.

KADIBILANGAN 10:30

Apa mebalimi nakua: Tae’ angku male sola, sangadinna la sulena’ lako tondokku sia lako sangdadiangku.