KADA OMBO’ LAKO RASULU’ YOHANES 9:16 - Sura' Madatu

¹⁶ Iatu budanna mintu’ surodadu ma’darang duanglampa lampana, mangkamo kurangi tu bilanganna.

KADA OMBO’ LAKO RASULU’ YOHANES 9:16 Referans Kwoze

KADA OMBO’ LAKO RASULU’ YOHANES 7:4

Kurangimi bilanganna tu mintu’ to mangka dica’ saratu’ patangpulo nna’pa’ sa’bunna tu mangka dica’ dio mai mintu’ sukunna to Israel:

PA’PUDIAN 68:17

E mintu’ buntu ma’botto-botto, ma’apari ammi sambiri matai, tu buntu Naturo ta’ba Puang Matua Nanii torro? Ondongpi la mari’pi sae lakona inde to tu Puang Matua.

DANIEL 7:10

Sia misa’ salu api tikula’dak-la’dak, na lolong dio oloNa; massa’bu-sa’bu diala pessangsa’bu umpengkaolai sia sangpulo sa’bu-sa’bunna diala pessangpulo sa’bu bendan dio oloNa. Unnisungmi tu to ma’paolai salu anna bungka’i tu mintu’ sura’.

YEHEZKIEL 38:4

La saeNa’ unnalako sia la kupakadangi kadangan tu parangka sadangmu, Kupatassu’ko male sola mintu’ surodadummu, iamotu mintu’ darang sia pakkanarang, sakka’ pa’bunona, iamotu misa’ tuntunan kapua, ma’pakolong sia ma’balulang; iatu mintu’ tau iato biasa ma’pa’dang.

KADA OMBO’ LAKO RASULU’ YOHANES 5:11

Kutiromi sia kurangimi tu gamaranna malaeka’ buda ullilingi isungan kapayungan sia mintu’ a’gan kepenaa sia mintu’ penatua; iatu budanna pessanglampa sisanglampa sia massa’bu-sa’bu,

DANIEL 11:40

Apa iake attu ma’katampakannai la sae tu datu rampe Lo’na lu urrarii tu datu rampe Daanna lu, anna iatu datu rampe Daanna lu la ullaoi umbaa kareta sia pakkanarang sia kappala’ buda; la tama ullaoi tu tondok iato sia samasai-sainna ma’parekan susito uai saba’.

YEHEZKIEL 23:6

tu ma’tamangkale lango-lango, to maraa, to maraa lompo, iamotu pia lolle’ ballo, sia pakkanarang nasang.