KADA OMBO’ LAKO RASULU’ YOHANES 9:11 - Sura' Madatu

¹¹ Sia umpodatu malaeka’na garonggong posi’ tana lambe’, lan basa Ibrani disanga Abadon, sia lan basa Grika disanga Apolion.

KADA OMBO’ LAKO RASULU’ YOHANES 9:11 Referans Kwoze

AYUB 26:6

Iatu lino tomate tibungka’ lako Puang sia iatu bambana mukkun tae’ sambona.

EFESUS 2:2

tu mipogau’ dolona situru’ aluk tiparanta’na te lino, situru’ kuasanna to paa dao masuanggana, iamora tu penaa marassanpa mengkarang lan penaanna tu mai pia battuk.

2 KORINTUS 4:4

tu mangka napabuta datunna lino tu mata penaanna to tang ma’patongan, kumua da anna kita arrang kamala’biranNa Kristus iamotu rupanNa Puang Matua.

YOHANES 16:11

diona ukungan, belanna ra’ta’mo la diukung tu pangulunna te lino.

YOHANES 14:30

Tae’mo nabuda Kuuleleanangkomi, belanna saemo pangulunna lino, natae’ bang dio Kaleku tu la naapanNa’.

YOHANES 8:44

Kamu te bu’tu diokomi mai ambe’mi deata bulituk, sia mintu’ tu kamoraianna ambe’mi mipeolai. Iamo papongko tolino tempon dio mai mulanna, tang unnola salunna, belanna tae’ kamanapparan dio kalena. Iake ma’kada mo’rangi, napasiolanan tu kedona umpokadai, belanna ia mo’rang, sia ambe’ kamo’rangan.

1 YOHANES 5:19

Taissan kumua lu dioki’ mai Puang Matua, apa mintu’ lino te naluang kuasanna deata bulituk.

1 YOHANES 4:4

E anakku, kamu te lu diokomi mai Puang Matua sia mangka untaloi tau iato mai, belanna mandu kapua tu To lan kalemi na iatu to lan lino.

YOHANES 12:31

Totemo rampomo tu kapangra’tasan lako te lino; totemo la dialai lako salian tu pangulunna lino.

KADA OMBO’ LAKO RASULU’ YOHANES 12:9

Dipembuangammi tu naga kapua, iamo ula’ tua, tu disanga deata patua’ ba’tang sia deata masussuk, tu umpapusa mintu’ issinna lino. Dipembuangammo tama lino sia mintu’ baananna dipembuangan dukamo sola.

AYUB 28:22

Iatu bambana mukkun sia kamatean ma’kada nakua: Kirangimo tu karebanna.

AYUB 31:12

Manassa iatu iannato susito misa’ api ma’kande pura sae lako sanggangna sia ulletta’i tu bura ra’ta’ku.

PA’PUDIAN 88:11

Ma’dinroKomika umpogau’ kalle-kallean lako to mate; sia ma’dinraka tu bombo to mate malimbangun la umpudiKomi?

SARAMBU PEADA’ 15:11

Iatu lino tomate sia inan kasanggangan payan dio oloNa PUANG, ondong pole’ tu penaanna ma’rupa tau!

LUKAS 8:31

Napalakumi tinde deata sola nasangi kumua, da Nasuai lako to’ inan kamalillinan.

YOHANES 5:2

Dio Yerusalem sikandappi’ babangan Domba den misa’ limbong, iake basa Ibrani disanga Betesda; inde to dio den lima lantang.

KADA OMBO’ LAKO RASULU’ YOHANES 16:16

Narampunmi penaa deata masussuk tu mintu’ datu lino sirampun dio misa’ inan tu disanga lan basa Ibrani: Harmagedon.