KADA OMBO’ LAKO RASULU’ YOHANES 7:16 - Sura' Madatu

¹⁶ Tau iato mai tae’mo nala tangdia’ len ba’tu ma’rang sia tae’mo nala’da’i allo ba’tu apa malassu:

KADA OMBO’ LAKO RASULU’ YOHANES 7:16 Referans Kwoze

YESAYA 49:10

Tang la mekatopo ba’tu mekama’rang, tae’ nala ussarussu’i angin padang aak sia tae’ nala ulla’da’i allo, belanna iatu tau iato mai la Nasolan To madulu’na sia la Naanta’ lako to’ mata kalimbuang.

YOHANES 4:14

Apa minda-minda unniru’i tu uai la Kubenni, tae’ nala ma’rang len sae lakona, belanna iatu uai Kubenni la mendadi kalimbuang lan kalena natikula’dak-la’dak sae lako katuoan tontong sae lakona.

KADA OMBO’ LAKO RASULU’ YOHANES 21:4

Sia Ia la umpa’dii tu mintu’ uai matanna tau iato mai, tae’mo anna la den kamatean ba’tu pote dibolong, ba’tu katumangiran ba’tu kamaparrisan tae’ dukamo, belanna mintu’ tu apa pamulanna lanna’ nasangmo.

MATIUS 5:6

Maupa’ tu mintu’ to umpotangdia’ sia umpoma’rang kamaloloan, belanna tau iato la dipedia’i.

PA’PUDIAN 121:6

Tae’ anna la umpatumbako allo, ke allona, ba’tu bulan, ke bonginna.

LUKAS 6:21

Maupa’komi tu tangdia’na totemo, belanna la dipedia’ikomi. Maupa’komi tu tumangi’na totemo, belanna la metaakomi undinna.

LUKAS 1:53

Iatu to tangdia’ Napedia’i ianan, na iatu to sugi’ Nasua sule lo’bang.

YESAYA 41:17

Iatu to mandasa sia to mase-mase, undaka’ uai, apa tae’, marakkekmo tu lilana ma’rang; Akumo tu PUANG, la untananni talinga tu tau iato mai; Akumo Kapenombanna Israel, tae’ angKu la untampe lenni tu tau iato mai.

YESAYA 25:4

Belanna Kamumo tu pentilindungan matoto’na to bitti’, sia pentilindungan ma’toto’na to bongko lan kapu’duranna, sia pentirerungan, ke uran bara’i, sia pentionganan, ke sarrangi tu allo. Belanna iatu urrungna to masa’ga’ susimoto uran bara’ untu’ba’ benteng tembo’ susi lassu’ dio to’ padang marangke.

YESAYA 65:13

Iamoto anNa kuai tu Puangta PUANG: Manassa iatu mai taungKu la kumande apa iatu kamu la tangdia’; iatu mai taungKu la mangiru’, apa iatu kamu la ma’rang; iatu mai taungKu la parannu-rannu, apa iatu kamu la kasirisan.

MATIUS 13:6

Apa iatonna kendekmo allo, malayumi sia belanna tae’ namennuaka’, marangkemi.

PA’TENDENG BALLO 1:6

Da mitiro-tirona’, kumua malotong-lotongna’ belanna natengona’ allo. Mintu’na anak muaneku dio indo’ makarra’ lako kaleku, anna padadina’ to ma’kampa pa’lak anggoro’ – anna pa’lak anggoro’ku kalena tae’ kukampai.

PA’PUDIAN 42:2

Susi donga ungkabarii salu, ten dukamoto tu penaangku ungkamali’Komi, o Puang Matua.

YAKOBUS 1:11

Belanna la bu’tu tu allo situru’ kamapannanganna anna pamalayui tu riu sia rondon tu ta’binna sia la pa’de tu kameloan rupanna, susi dukamoto tu to sugi’ la malayu lan mintu’ kalingkanna.

MARKUS 4:17

Apa tae’ namennuaka’ lan penaanna, sangadinna to mandalle’ penaanna; na ianna sae peroso ba’tu pa’pakario-rio tu diona kada iato, ta’pa napamo’dongmi tu penaanna.

MARKUS 4:6

Apa iatonna kendekmo allo, naalami allo namalayu, belanna tae’ namennuaka’.

MATIUS 13:21

apa tae’ namennuaka’ lan penaanna, sangadinna sattu’ri, nanii mananna’. Ianna sae peroso ba’tu pa’pakario-rio tu diona kada iato, ta’pa napamo’dongmi tu penaanna.

YUNUS 4:8

Iatonna dellekmo allo, pakalan Napadenni Puang Matua tu misa’ angin lu dio mai rampe matallo mapannang tongan, anna nanangi allo tu ulunna Yunus, naurungan malayu tu kalena, sia napalaku, anna matemo, sia ma’kada nakua: Kula’biran mate na iatu tuo.

YESAYA 32:2

Tau iato la susi pentirerungan dio mai angin bara’ sia pentilindungan dio mai uai luang sia butung to salu’-salu’ dio padang ba’ta’ sia susi bayo-bayo buntu batu kapua dio padang karangkean.

PA’PUDIAN 143:6

Mempala’na’ mati’ Kalemi, sia mamali’ tu penaangku Mati’. Ten to padang ba’ta’ ungkamali’ uai. Sela

PA’PUDIAN 63:1

Pa’pudianna Daud tonna dio padang aak, lili’na Yehuda.

PA’PUDIAN 121:5

PUANGmo tu To pasareongammu, sia Puang duka tu dio kananmu unnonganniko.