KADA OMBO’ LAKO RASULU’ YOHANES 6:16 - Sura' Madatu

¹⁶ Anna ma’kada lako mintu’ tanete sia buntu batu: Tuannikanni sia rerungkanni dio mai oloNa Puang tu unnisung dao isungan kapayungan iato, sia dio mai kasengkeanNa Anak domba.

KADA OMBO’ LAKO RASULU’ YOHANES 6:16 Referans Kwoze

LUKAS 23:30

Iato ke attu iato mane la randukri ma’kada tu tau lako mintu’ tanete susite: I’pinnikanni mai! sia lako mintu’ buntu: Samboikanni mai!

HOSEA 10:8

La disanggang tu inan madao dinii memala’ dio Awen, tu napokasalan Israel. La nakabu’ duri sia a’da’ tu inan pemalaranna. Anna ma’kada tu tau iato mai lako buntu, kumua: Samboikan sia lako tanete, kumua: I’pinnikanni!

KADA OMBO’ LAKO RASULU’ YOHANES 4:2

Ta’pa narampoimo’ a’gan Penaa, napayan tu isungan kapayungan tongkonan dao suruga, sia iatu To unno’ko’ dao isungan kapayungan iato.

KADA OMBO’ LAKO RASULU’ YOHANES 20:11

Pakalan kutiromi misa’ isungan kapayungan kapua mabusa, sia To unnisung dao, na iatu langi’ sola lino lanna’ dio mai oloNa, naurungan tae’mo inan diappa’ la nanii.

MATIUS 26:64

Nakuami Yesu lako: Susimo tu kadammi. Apa Kukua mati’, randuk te totemo ammi kitai tu Anak rampan dilino unno’ko’ dio kananNa To umpoissan angge maritik, sia sae lan gaun dao mai langi’.

YEREMIA 8:3

La’biran mate ke la tuomira tu torrona, iamotu mintu’ to torropa dio lu pa’rapuan kadake iate, dio lu mintu’ inan Kunii urrambai tu tau iato mai, kadanNa PUANGna mintu’ ma’dandan maritik.

KADA OMBO’ LAKO RASULU’ YOHANES 19:15

Sia lan mai pudukNa sun misa’ pa’dang mataran la Naba’tan mintu’ to kapere’. Ia duka la umparentai tekken bassi sia iamo ullullu’ bua anggoro’ lan panglulluran, iamo kamaparranganna kasengkeanNa Puang Matua Umpoissan angge maritik.

KADA OMBO’ LAKO RASULU’ YOHANES 10:6

anna menggata ussa’bu’ sanganNa Puang tu tuo matontongan, tu umpadadi langi’ sola mintu’ issinna sia lino sola mintu’ issinna sia tasik sola mintu’ issinna, kumua: tae’mo nala disorong.

KADA OMBO’ LAKO RASULU’ YOHANES 6:10

Metambami umpekapuai gamaranna nakua: Sangapapi, o Puang maindan sia tongan, Mimane unnukungi sia umpembalaran raraki lako mintu’ to untongkonni kuli’na padang?

KADA OMBO’ LAKO RASULU’ YOHANES 4:9

Iake napakala’bi’oi sia napangke’oi a’gan kepenaa sia ma’kurre sumanga’ lako tu To unno’ko’ dao isungan,

KADA OMBO’ LAKO RASULU’ YOHANES 4:5

Nasun lan mai isungan kapayungan iato tu kila’ sia ba’tu pira-pira gamara sia guntu’; sia den pitu palita dukku dio olo isungan kapayungan iato, iamotu pitu PenaanNa Puang Matua.

PA’PUDIAN 14:5

Indeto nanii urrampoi kaselangan sola nasangi, belanna Puang Matua urrondong to tama bilanganna to malambu’.

YESAYA 2:10

Mallaiko tama sapak batu, sia mallaiko rokko garuang umpembunian kametakuranNa PUANG sia kamala’biran kapayunganNa.

MARKUS 3:5

Mentiro tikumi tu Yesu lako tau iato mai situang kasengkeanNa sia Napomasussa tu kamakarrasanna penaanna tu tau, Nakuami lako tu to kope limanna: Angka’i tu limammu! Naangka’mi namatoto’ tu limanna.

KADA OMBO’ LAKO RASULU’ YOHANES 5:1

Kutiromi lan lima kananNa Puang tu unno’ko’ dao isungan kapayungan iato misa’ sura’, tu disura’ lanna lu sia salianna, sia dica’ pitu ca’.

KADA OMBO’ LAKO RASULU’ YOHANES 9:6

Iake attu iato la undaka’ mate tu tolino, apa tae’ naappa’i; nakamorai la mate, apa iatu kamatean mallai dio mai kalena.