KADA OMBO’ LAKO RASULU’ YOHANES 6:13 - Sura' Madatu

¹³ Sia mintu’ bintoen dao langi’ sitana’takan tama lino, susi garonto’ ara umpasitana’takan bua tang ma’ganna ke nagoyakki angin bara’.

KADA OMBO’ LAKO RASULU’ YOHANES 6:13 Referans Kwoze

YESAYA 34:4

Attu iato mintu’ ma’dandan maritik la buruk sia mintu’ langi’ la tilulun susi misa’ sura’ sia mintu’ ma’dandan maritikna la rondon susi daun dio mai garonto’ anggoro’ sia susi daun dio mai garonto’ ara.

MATIUS 24:29

Ianna lendu’ nasangmo tu kadipakario-rioan, ta’pa la dipaliun tu allo sia tae’ duka nala parrang tu bulan, sia la ronno’ tu mintu’na bintoen dao langi’, sia mintu’na kamatotoran dao langi’ la tigega’.

KADA OMBO’ LAKO RASULU’ YOHANES 9:1

Iatu malaeka’ ma’pellimanna umpannoni tarompe’ puana, angku tiroi misa’ bintoen mangka ronno’ dao mai langi’ tama lino; dibenmi gonting garonggong posi’ tana lambe’.

DANIEL 8:10

Satarompo’-rompo’nami sae langngan ma’dandan maritik dao langi’, nadao mai tu ma’dandan maritik, iamotu mai bintoen, naronnosan ba’tu pira-pira rokko lino, anna lullu’i.

YEHEZKIEL 32:7

Iake Kupamurru’iko, Kusamboi tu langi’ sia Kupamalillin tu mintu’ bintoen. Iatu mataallo Kuparerungi gaun, sia iatu bulan tae’ naparrang.

LUKAS 21:25

Sia la den tanda kalle-kallean bu’tu dao allo sia bulan sia bintoen sia lan lino kasumpuan mintu’ tau sia putta penaanna, ke mongo’mi tu tasik sia bombang;

YESAYA 7:2

Tonna pokadami tau lako to lan banuanna Daud kumua: Nasamboimo Aram tu Efraim, ma’bara-barami tu penaanna datu sola mintu’ to kambanna, butung to kayu lan pangala’ nairi’ angin.

NAHUM 3:12

Mintu’ tambakukummu susi garonto’ ara, tu membua bunga’; iake digoyakki ronno’mi tu buanna tama sadangna to la ungkandei.

DANIEL 4:14

Metambami umpekapuai gamaranna, nakua: Lellengi tu kayu iato sia totoi tu tangkena, purru’i tu mai daunna, samboranni tu buanna; namallai nasang tu mintu’ olo’-olo’ diong sia manuk-manuk dao mai tangkena.

YESAYA 33:9

Maru’gun sia talo tu padang iato; iatu Libanon masiri’ sia malayu; iatu Saron susimo padang aak na Basan sia Karmel tae’mo namendaun.

YESAYA 13:10

Belanna mintu’ bintoen dao langi’ sia bintoen ma’karupu tae’mo anna la umpatiarrang arrangna; ia duka tu allo la dipamalillin, ke dellekki sia iatu bulan tae’mo anna la umpamian arrangna.

YOËL 2:31

Iatu mata allo la membali malillin sia iatu bulan la membali rara, to ke la saemi tu allo kapuanNa sia metakuranNa PUANG.

MARKUS 13:25

Sia mintu’na bintoen dao langi’ la ronno’, sia mintu’na kamatotoran dao langi’ la tigega’.

AYUB 15:33

La susito garonto’ anggoro’ tu ronno’ mintu’ bua makkanna sia susito garonto’ saitun, tu rondon mintu’ ta’binna.